ប្រភពព័ត៌មានពី TASS ផ្សាយថ្ងៃ០៦ ខែសីហា ឆ្នាំ២០១៩
ប្រធានមជ្ឈមណ្ឌលរុស្ស៊ីសម្រាប់ការផ្សះផ្សាភាគីជម្លោះលោកអាឡិចស៊ី បាឃីន មានប្រសាសន៍នៅថ្ងៃអង្គារ៍ថាក្រុមប្រដាប់អាវុធខុសច្បាប់នៅតែបន្តបាញ់ផ្លោងលើតំបន់លំនៅក្នុងខេត្តអាឡេប៉ូ ខេត្តឡាតាគា និងខេត្តហាម៉ាក្នុងប្រទេសស៊ីរីបើទោះបីជាមានបទឈប់បាញ់គ្នាចូលជាធរមាននៅថ្ងៃទី២ ខែសីហាក៏ដោយ។ លោកបាឃីនបន្ថែមថាស្ថានភាពក្នុងខេត្តអ៊ីដលីបកាន់តែមានសភាពយ៉ាប់យ៉ឺន។ មេបញ្ជាការរបស់ក្រុមប្រដាប់អាវុធដែលកំពុងប្រតិបត្តិការលើទឹកដីនោះបដិសេធមិនគោរពបទឈប់បាញ់គ្នានៅថ្ងៃទី២ ខែសីហា។ ប្រភពបន្ថែមថានៅថ្ងៃទី០៥ ខែសីហា ក្រុមសកម្មប្រយុទ្ធបាញ់ប្រហារចំនួន២៥លើកទៅលើតំបន់លំនៅដ្ឋានក្នុងប្រទេសស៊ីរី។ ក្រុមប្រដាប់អាវុធខុសច្បាប់បាញ់នៅតំបន់លំនៅដ្ឋានស៊ូឃ្វារៀរ និងសាប៊ីឈៀ ក្នុងខេត្តអាឡេប៉ូ។ ពួកគេថែមទាំងបាញ់នៅតំបន់លំនៅដ្ឋានឆេកឃឺចា ម៉ាម៉ូហ៊ីយ៉ា ឃ្វាយ៉ាត់ម៉ាហ្សា ម៉ូឃ្វាថេល អាដាស់ដេច អាល់ ហ៉ារុហ្វ រ៉ូយ៉ាសិតអាហ្វីហ្វ សារាហ្វ ចូបអាលអាកម៉ា និងបេយស្មៃរ៉ា នៅក្នុងខេត្តឡាតាគា។ ពួកគេក៏បាញ់នៅតំបន់លំនៅដ្ឋាន អាដអេលបាប ដាហាដេតា ជូបេន ការ៉ាជឺន កូណាស់ ហ័ស្ស និងហាម៉ាមីយ៉ាត ក្នុងខេត្តហាម៉ា។ លោក បាឃីន បញ្ចាក់ថា ទាហានរុស្ស៊ីធ្វើប្រតិបត្តិការមនុស្សធម៌មួយនៅតំបន់លំនៅដ្ឋានហាហ្សាក្នុងខេត្តដាម៉ាសដោយចែកចាយស្បៀងអាហារចំនួន៧៥០កញ្ចប់ដែលមានទំងន់សរុប ៣.៦តោនដល់ចំណោមប្រជាជនក្នុងតំបន់៕
