ប្រភពព័ត៌មានពី RT ផ្សាយថ្ងៃទី០៨ ខែសីហា ឆ្នាំ២០១៩
យោធានិយាយថា នៅថ្ងៃព្រហស្បតិ៍ក្រុមសកម្មប្រយុទ្ធស៊ីរីបាញ់រ៉ូកែតចំនួន ៤គ្រាប់ពីប្រព័ន្ធបាញ់បានច្រើនគ្រាប់ក្នុងទិសដៅឆ្ពោះទៅលើមូលដ្ឋានទ័ពអាកាស Hmeimim។ ការវាយប្រហារកើតឡើងនៅម៉ោងប្រមាណជា១៣:០០GMT។ យោងតាមប្រភពពីក្រសួងការពារជាតិរុស្ស៊ីបានឱ្យដឹងថា ប្រព័ន្ធការពារអាកាសនៅមូលដ្ឋានឃើញគ្រាប់រ៉ូកែត៤គ្រាប់បាញ់ចេញពីតំបន់បាណាចូលក្នុងមូលដ្ឋាននៅតំបន់ឡាតាគា។ មូលដ្ឋានអាកាសកំពុងដំណើរការជាធម្មតាដោយពុំមានការខូចខាត ឬមានការរងរបួសណាមួយកើតឡើងដោយសារគ្រាប់រ៉ូកែតវាយប្រហារខុសទីតាំងចម្ងាយប្រមាណ ២គីឡូម៉ែត្រនៅភាគឥសាន្តនៃទីតាំងគោលដៅ។ កម្លាំងសន្តិសុខស៊ីរីនិយាយថា យ៉ាងហោចណាស់មានអ្នកស្រុកចំនួន២នាក់ស្លាប់ និង៤នាក់ផ្សេងទៀតរងរបួស។ បើយោងតាមប្រព័ន្ធផ្សព្វផ្សាយរបស់រដ្ឋផ្សាយថា នៅក្នុងការអភិវឌ្ឍដាច់ដោយឡែកមួយកម្លាំងរដ្ឋាភិបាលដណ្តើមបានការកាន់កាប់ទឹកដីពីក្រុមឧទ្ទាមនៅភាគពាយព្យនៃប្រទេសស៊ីរីនៅថ្ងៃព្រហស្បតិ៍។ ការដណ្តើមបានតំបន់អាល់សាកនៅភាគខាងជើងខេត្តហាម៉ាធ្វើឡើងក្រោយពីមានការដណ្តើមបានភូមិចំនួន២នៅថ្ងៃពុធ៕
