ប្រភពព័ត៌មានពី RT ផ្សាយថ្ងៃទី១៣ ខែសីហា ឆ្នាំ២០១៩
ទូរទស្សន៍ al-Masirah របស់ក្រុមហ៊ូទីផ្សាយនៅថ្ងៃអង្គារថា ចលនាហ៊ូទីក្នុងប្រទេសយេម៉ែនបើកការវាយប្រហារដោយប្រើយន្តហោះគ្មានមនុស្សបើកលើអាកាសយានដ្ឋានអាប់ហានៅភាគនិរតីនៃប្រទេសអារ៉ាប់ប៊ីសាអូឌីតក្បែរព្រំដែនប្រទេសយេម៉ែន។ មន្ត្រីអារ៉ាប់ប៊ីសាអូឌីតមិនទាន់ធ្វើការអត្ថាធិប្បាយលើរបាយការណ៍នោះទេ។ ក្នុងរយៈពេលប៉ុន្មានខែចុងក្រោយនេះក្រុមហ៊ូទីដែលគ្រប់គ្រងរដ្ឋធានីសាណារបស់ប្រទេសយេម៉ែន និងតំបន់មានប្រជាជនច្រើន បង្កើនការវាយប្រហារប្រឆាំងនឹងគោលដៅអារ៉ាប់ប៊ីសាអូឌីត។ ជាការឆ្លើយតប ក្រុមចម្រុះដឹកនាំដោយអារ៉ាប៊ីសាអូឌីតប្រឆាំងនឹងក្រុមហ៊ូទីវាយប្រហារកំណត់គោលដៅលើទីតាំងដែលជាកម្មសិទ្ធិរបស់ក្រុមនោះ ជាពិសេសនៅជុំវិញតំបន់សាណា។ សម្ព័ន្ធមិត្តមូស្លីមស៊ុននីគាំទ្រដោយលោកខាងលិចដឹកនាំដោយអារ៉ាប៊ីសាអូឌីត និងអារ៉ាប់ធ្វើអន្តរាគមន៍នៅប្រទេសយេម៉ែនក្នុងឆ្នាំ២០១៥ ដើម្បីព្យាយាមស្តាររដ្ឋាភិបាលយេម៉ែន(រដ្ឋាភិបាលដែលត្រូវក្រុមហ៊ូទីបណ្តេញចេញពីអំណាចនៅរដ្ឋធានីសាណា)៕
