ប្រភពព័ត៌មានពី RT ផ្សាយថ្ងៃទី១៤ ខែសីហា ឆ្នាំ២០១៩
ប្រទេសចិនច្រានចោលសំណើរបស់កងនាវាអាមេរិកដែលស្នើឲ្យកប៉ាល់ចំនួនពីរគ្រៀងចូលចតនៅផែហុងកុងស្របពេលកំពុងមានការតវ៉ាប្រឆាំងនឹងរដ្ឋាភិបាលនៅក្នុងទីក្រុងនោះ។ មេបញ្ជាការលោក ណាត គ្រីស្តថេនសេន អ្នកនាំពាក្យរបស់កងនាវាប៉ាស៊ីហ្វិកមានប្រសាសន៍នៅថ្ងៃអង្គារថា ប្រទេសចិនបដិសេធលើសំណើសុំចូលទស្សនកិច្ចកំពង់ផែទីក្រុងហុងកុងរបស់នាវាដឹកមីស៊ីល USS Lake Erie និងនាវាដឹកទំនិញ USS Green Bay របស់សហរដ្ឋអាមេរិក។ លោក គ្រីស្ទសេន ពុំបានបញ្ជាក់ពីមូលហេតុដែលទីក្រុងប៉េកាំងច្រានចោលសំណើរនោះទេហើយលោកគ្រាន់តែរំពឹងថាសំណើរចូលទស្សនៈកិច្ចនៅកំពង់ផែនោះនឹងបន្តមាននាពេលអនាគត។ បញ្ហានោះកើតឡើងចំពេលមានបាតុកម្មប្រឆាំងនឹងរដ្ឋាភិបាលទ្រង់ទ្រាយធំនៅទីក្រុង ដែលបាតុកម្មកើតឡើងអស់រយៈពេល ១០សប្តាហ៍ជាប់ៗគ្នារួចមកហើយ និងឈានដល់ការប៉ះទង្គិចជាមួយប៉ូលិស។ ការប្រមូលផ្តុំគ្នានេះកើតឡើងដោយការព្យួរកិច្ចការធ្វើបត្យាប័នបណ្តោះអាសន្ន ហើយក្រោយមកបាតុកម្មកើនឡើងដោយមានការទាមទារបន្ថែមឱ្យមានកំណែទម្រង់នយោបាយឱ្យកាន់តែទូលំទូលាយ។ ក្រុមមន្រ្តីនៅទីក្រុងប៉េកាំងសន្យាឆ្លើយតបយ៉ាងឆាប់រហ័សចំពោះកុបកម្ម និងអំពើហិង្សានៅហុងកុង។ ពួកគេសង្កត់ធ្ងន់ថា ប្រទេសចិននឹងមិនអនុញ្ញាតឱ្យអំណាចបរទេសណាមួយលើកទឹកចិត្តដល់ក្រុមអ្នកតវ៉ាឱ្យបំពានច្បាប់ឡើយ។ អ្នកនយោបាយអាមេរិកខ្លះដូចជាប្រធានសភាតំណាងរាស្ត្រលោក ណានស៊ីប៉ូឡូស៊ី និងមេដឹកនាំទទួលបានការគាំទ្រភាគច្រើននៃព្រឹទ្ធសភាលោក ម៊ីជ ម៉ាកខូនណេល សំដែងការគាំទ្រចំពោះការតវ៉ានោះ។ អ្នកនាំពាក្យក្រសួងការបរទេសចិនលោក ហួឈុន យីងមានប្រសាសន៍ថា ពាក្យសម្តីរបស់ពួកគេគឺជាភស្តុតាងដ៏មានឥទ្ធិពលបង្ហាញពីការចូលរួមរបស់ប្រទេសពួកគេនៅក្នុងភាពចលាចលនោះ៕
