ប្រភពព័ត៌មាន The Asahi Shimbun ថ្ងៃទី១៥ ខែសីហា ឆ្នាំ២០១៩
នៅក្នុងទីក្រុង Philadelphia រដ្ឋ Pennsylvania សហរដ្ឋអាមេរិកនៅល្ងាចថ្ងៃទី១៤ មន្ត្រីប៉ូលិស ៦នាក់រងការបាញ់ប្រហារដោយកាំភ្លើង។ យោងតាមប៉ូលិសក្នុងតំបន់បានឲ្យដឹងថាមិនមាននរណាម្នាក់គ្រោះថ្នាក់ដល់ជីវិតទេ ហើយបុរសជនសង្ស័យត្រូវបានចាប់ឃុំខ្លួនទាំងកណ្តាលអធ្រាត្រ។ យោងតាមប្រព័ន្ធផ្សព្វផ្សាយអាមេរិកការបាញ់ប្រហារបានចាប់ផ្តើមនៅម៉ោងប្រមាណជា៤:៣០នាទី រសៀលបន្ទាប់ពីមន្រ្តីប៉ូលិសបានចូលទៅក្នុងការស៊ើបអង្កេតពាក់ពន្ធ័នឹងការប្រើប្រាស់គ្រឿងញៀន។ តាមប្រភពព័ត៌មានពីសមត្ថកិច្ចមូលដ្ឋានបានឲ្យដឹងថាក្រុមជនសង្ស័យឈរជើងជាយូរមកហើយ ប៉ុន្តែត្រូវបានឃាត់ខ្លួននៅព្រឹកថ្ងៃទី១៥។ ឧប្បត្តិហេតុនេះបានកើតឡើងនៅក្នុងស្រុក ដែលនៅជិតមជ្ឈមណ្ឌល Night town taioga។ ទូរទស្សន៍ ABC បានរាយការណ៍ពីសក្ខីកម្មរបស់សាក្សីថា “ខ្ញុំបានឮស្នូរកាំភ្លើងជាង១០០គ្រាប់”។ មានសេចក្តីរាយការណ៍ថា ជនសង្ស័យកំពុងធ្វើសកម្មភាពរបស់ពួកគេផ្ទាល់តាមបណ្តាញសង្គមហ្វេសប៊ុក។ យោងតាមសារព័ត៌មាន CNN ប្រធានាធិបតីអាមេរិកលោក ត្រាំ ក្នុងអំឡុងពេលវិស្សមកាលរដូវក្តៅក៏ទទួលបានរបាយការណ៍អំពីឧប្បត្តិហេតុនេះ និងកំពុងតាមដានយ៉ាងដិតដល់អំពីស្ថានភាពនេះ។ ភ្លាមៗបន្ទាប់ពីឧប្បត្តិហេតុកើតឡើងនៅក្បែរសាកលវិទ្យាល័យ Temple មានគោលបំណងផ្ញើសារទៅកាន់និស្សិតដោយសរសេរលើ Twitter ផ្លូវការថា “រកកន្លែងសុវត្ថិភាព។ បិទទ្វារ។ បន្តសកម្មភាពដោយស្ងាត់ៗ”៕
