ប្រភពព័ត៌មានពី TASS ផ្សាយថ្ងៃទី១៥ ខែសីហា ឆ្នាំ២០១៩
ប៉ូលិសក្នុងតំបន់សរសេរលើបណ្តាញសង្គម Twitter ថា ខ្មាន់កាំភ្លើងម្នាក់ដែលបាញ់សម្លាប់មន្រ្តីប៉ូលិសចំនួន៦នាក់ក្នុងទីក្រុង Philadelphia សហរដ្ឋអាមេរិកត្រូវសមត្ថកិច្ចចាប់ខ្លួន។ លើការផុសនោះសរសេរបន្តទៀតថា “ជនសង្ស័យកំពុងស្ថិតក្នុងការឃុំឃាំង។ ក្រុម SWAT នៅសម្អាតទីកន្លែងកើតហេតុនៅឡើយ”។ ប៉ូលិស Philadelphia បន្ថែមថា “មន្ត្រីទាំង៦នាក់ដែលរងការបាញ់ប្រហារត្រូវគេអនុញ្ញាតិឱ្យចេញពីមន្ទីរពេទ្យ។ យោងតាមរបាយការណ៍ប្រព័ន្ធផ្សព្វផ្សាយបង្ហាញថា ជនសង្ស័យបង្ហាញការចុះចាញ់ក្រោយពីប្រឈមមុខជាមួយនឹងប៉ូលិសអស់រយៈពេលមួយម៉ោង៕
