ប្រភពព័ត៌មានពី TASS ផ្សាយថ្ងៃទី១៦ ខែសីហា ឆ្នាំ២០១៩
ប្រភពព័ត៌មានយោធាប្រាប់ភ្នាក់ងារព័ត៌មាន SANA ថា ប្រព័ន្ធការពារមីស៊ីលរបស់ប្រទេសស៊ីរីបាញ់បំផ្លាញគ្រាប់រ៉ូកែតដែលវាយប្រហារលើមូលដ្ឋានយោធានៅទីក្រុង Masyaf ក្នុងខេត្តហាម៉ានៅល្ងាចថ្ងៃព្រហស្បតិ៍។ យោងតាមប្រភពព័ត៌មានដដែលបង្ហាញឲ្យដឹងថា ប្រព័ន្ធការពារមីស៊ីលស៊ីរីបាញ់បំផ្លាញគ្រាប់រ៉ូកែតមួយគ្រាប់ដែលគ្រាប់នោះបាញ់ចេញពីដែនអាកាសរបស់ប្រទេសលីបង់។ របាយការណ៍មុនបង្ហាញថាសម្លេងផ្ទុះដ៏ខ្លាំងបន្លឺឡើងនៅទូទាំងទីក្រុង Masyaf។ នៅថ្ងៃទី២២ ខែកក្កដា ប៉ុស្តិ៍ទូរទស្សន៍ Al Ekhbariya រាយការណ៍ថា ប្រព័ន្ធការពារមីស៊ីលរបស់ស៊ីរីបាញ់បំផ្លាញគ្រាប់រ៉ូកែតនៅទីក្រុង Masyaf។ ទោះជាយ៉ាងណា មានរបាយការណ៍ក្រោយមកទៀតបង្ហាញថាវាជាការវាយប្រហារដោយបាញ់គ្រាប់កាំភ្លើងធំដែលគេកំណត់ខុសថា វាជាការវាយប្រហារដោយបាញ់គ្រាប់រ៉ូកែត៕
