ប្រភពព័ត៌មាន TASS ផ្សាយថ្ងៃទី១៨ ខែសីហា ឆ្នាំ២០១៩
ប្រធានមជ្ឈមណ្ឌលរុស្ស៊ីសម្រាប់ការផ្សះផ្សានៅតំបន់ប្រឆាំងក្នុងប្រទេសស៊ីរីលោក អាឡិចស៊ី បាគីន ប្រាប់ក្រុមអ្នកសារព័ត៌មាននៅថ្ងៃសៅរ៍ថា មានមនុស្សប្រមាណ ១,៣លាននាក់ ដែលផ្លាស់ទីលំនៅ នៅក្នុងប្រទេស និងមានជនភៀសខ្លួនអន្តរជាតិចំនួន ៦០ម៉ឺននាក់វិលត្រឡប់ទៅផ្ទះ របស់ពួកគេវិញ ចាប់ពីថ្ងៃទី៣០ ខែកញ្ញា ឆ្នាំ២០១៥។ លោកមានប្រសាសន៍ថា កិច្ចខិតខំប្រឹងប្រែងផ្តោតលើ ដំណោះ ស្រាយមិនមែនផ្តោតលើការប្រើកម្លាំងយោធា និងដើម្បីជួយដល់ប្រជាជនស៊ីរីឱ្យវិលត្រឡប់ ទៅរកជីវិត សន្តិភាពនៅក្នុងប្រទេស។ ទន្ទឹមនឹងនេះក្រុមជ្រុលនិយមនៅតែបន្តបំពានលើបទឈប់បាញ់។ ឧទាហរណ៍ដូចហេតុការណ៍នៅថ្ងៃសុក្រ ក្រុមសកម្មប្រយុទ្ធបើកការបាញ់ប្រហារក្នុងភូមិចំនួន២១ និងទីប្រជុំជននានានៅក្នុងទីក្រុងអាឡេប៉ូ ក្រុងឡាតាគា និងខេត្តអ៊ីដលីប។ នៅថ្ងៃទី១៦ ខែសីហា មានករណីបាញ់ផ្លោងចំនួន៣២ករណីត្រូវគេចុះបញ្ជី។ ក្រុមសកម្មប្រយុទ្ធរបស់ក្រុមប្រដាប់អាវុធខុសច្បាប់ធ្វើការវាយប្រហារលើខេត្តបេនយ៉ាមីន សាប៊ីគា អាលប័ររា ហាលឡាសា និងអាឡិបក្នុងរដ្ឋបាលខេត្តអាឡេប៉ូ៕
