ប្រភពព័ត៌មាន The Asahi Shimbun ថ្ងៃទី២០ ខែសីហា ឆ្នាំ២០១៩
ក្រសួងការពារជាតិអាមេរិកបានបង្ហើបឲ្យដឹងនៅថ្ងៃទី១៩នេះថាខ្លួនបានធ្វើការបាញ់សាកល្បងមីស៊ីលរយៈចម្ងាយមធ្យមនៅលើកោះ Sanicoras រដ្ឋកាលីហ្វ័រញ៉ាកាលពីថ្ងៃទី១៨។ វានឹងក្លាយជាការបាញ់ សាកល្បងដំបូងរបស់យោធាអាមេរិកបន្ទាប់ពីសន្ធិសញ្ញាលុបបំបាត់នុយក្លេអ៊ែរ (INF) រយៈចម្ងាយ មធ្យមដែលអាមេរិក-រុស្ស៊ីហាមប្រាមមីស៊ីលដែលមានចម្ងាយពី៥០០ ទៅ ៥៥០០គីឡូម៉ែត្រផុត កំណត់នៅថ្ងៃទី២។ ក្រសួងការពារជាតិអាមេរិកបានប្រកាសនៅក្នុងសេចក្តីថ្លែងការណ៍មួយថាមីស៊ីលត្រូវបានបាញ់ចេញពីឧបករណ៍ចល័តនៅលើដីហោះចម្ងាយជាង៥០០គីឡូម៉ែត្រ ហើយបានចុះចំគោលដៅដែលបានតម្រង់ ។ ទិន្នន័យដែលប្រមូលបាននៅក្នុងការពិសោធន៍បាញ់បង្ហោះនឹងត្រូវប្រើសម្រាប់ការអភិវឌ្ឍមីស៊ីលរយៈចម្ងាយមធ្យមនាពេលអនាគត។ បន្ទាប់ពីសន្ធិសញ្ញាលុបបំបាត់ចោល INF ផុតកំណត់មករដ្ឋមន្រ្តីក្រសួងការពារជាតិអាមេរិក លោក Espar បានប្រកាសនៅថ្ងៃទី២ ថាខ្លួននឹងបន្តការអភិវឌ្ឍអាវុធធម្មតានៅលើដីនាពេលអនាគតដោយ បង្កើនការអភិវឌ្ឍមីស៊ីលរយៈចម្ងាយមធ្យម។ យោងតាមសារព័ត៌មាន Reuter បានឲ្យដឹងថាអាមេរិក គ្រោងនឹងសាកល្បងបាញ់បំផ្លោងមីស៊ីលរយៈចម្ងាយមធ្យមនៅខែវិច្ឆិកាខាងមុខនេះ។ កាលពីខែកុម្ភៈ អាមេរិកបានប្រកាសដកខ្លួនចេញពីសន្ធិសញ្ញាលុបបំបាត់អាវុធនុយក្លេអ៊ែរ INF ដោយសារតែរុស្ស៊ីរំលោភសន្ធិសញ្ញានេះ។ សន្ធិសញ្ញានេះបានផុតកំណត់តាំងពីថ្ងៃទី២ ខែសីហានេះម៉េ្លះ។ នៅពេលដែលអាមេរិកបន្តពន្លឿនការអភិវឌ្ឍមីស៊ីលរយៈចម្ងាយមធ្យមបង្កឲ្យមានហានិភ័យមួយ ដែលពាក់ពន្ធ័នឹងការប្រណាំងសព្វាវុធដែលមិនត្រឹមតែប្រទេសរុស្ស៊ីប៉ុណ្ណោះទេ ប៉ុន្តែប្រទេសចិនក៏នឹងឈានទៅជាអ្នកជំនាញផងដែរ៕
