ប្រភពព័ត៌មានពី RT ចុះផ្សាយថ្ងៃទី ថ្ងៃទី២៦ ខែសីហា ឆ្នាំ ២០១៩
រដ្ឋមន្រ្តីក្រសួងការពារជាតិរបស់ប្រទេសទួរគីលោក Hulusi Akar និយាយថាការដឹកជញ្ជូនប្រព័ន្ធការពារមីស៊ីលរុស្ស៊ី S-400 ទៅប្រទេសទួរគីនឹងចាប់ផ្តើមនៅថ្ងៃអង្គារនេះ។ យោងតាមសម្តីរបស់លោក Akar ដែលដកស្រង់ដោយទីភ្នាក់ងារសារព័ត៌មាន Anadolu ប្រកាសកាលពីថ្ងៃច័ន្ទថា “ការចែកចាយ និងការដឹកជញ្ជូនលើកទី២ នៃ S-400 នឹងចាប់ផ្តើមនៅថ្ងៃស្អែកនេះ”។ រ៉យទ័រនិយាយថាសមាសធាតុដំបូងនៃប្រព័ន្ធនេះត្រូវបញ្ជូនទៅទីក្រុងអង់ការ៉ាកាលពីខែកក្កដា ទោះបីជាមានការព្រមានអំពីការដាក់ទណ្ឌកម្មរបស់អាមេរិកចំពោះការទិញនេះក៏ដោយ។ ទីក្រុងវ៉ាស៊ីនតោនទទូចថាប្រព័ន្ធ S-400 របស់ប្រទេសរុស្ស៊ីមិនត្រូវគ្នានឹងប្រព័ន្ធការពាររបស់ណាតូនោះទេ៕
