ប្រភពព័ត៌មានពី RT ផ្សាយថ្ងៃទី២៦ ខែសីហា ឆ្នាំ២០១៩
នៅថ្ងៃចន្ទ កម្លាំងចម្រុះដឹកនាំដោយអារ៉ាប់ប្រឆាំងនឹងក្រុមហ៊ូទីក្នុងប្រទេសយ៉េមែនឈានដល់ដំណាក់កាលបទឈប់បាញ់គ្នាមួយ ខណៈដែលសម្ព័ន្ធមិត្តភាគខាងត្បូងបែរជាប្រ ឈមមុខដាក់គ្នាទៅវិញទៅមកក្នុងការតស៊ូអំណាចមួយ។ ប្រទេសអារ៉ាប់ប៊ីសាអូឌីត និងអារ៉ាប់(មហាអំណាចក្នុងសម្ព័ន្ធអារ៉ាប់ដឹកនាំដោយប្រទេសយ៉េមែន) បង្កើតគណៈកម្មាធិការចម្រុះមួយដើម្បីឃ្លាំមើលបទឈប់បាញ់គ្នារវាងក្រុមបំបែកខ្លួននៅភាគខាងត្បូង (ទទួលបានការគាំទ្រពីអារ៉ាប់) និងកងកម្លាំងរដ្ឋាភិបាល (គាំទ្រដោយអារ៉ាប៊ីសាអូឌីតក្នុងខេត្តអាប៊ីយ៉ាន និងស្ហាបវ៉ា)។ នៅដើមខែនេះ កងកម្លាំងបំបែកខ្លួនដណ្តើមការកាន់កាប់នៅកំពង់ផែភាគខាងត្បូងនៃទីក្រុងអេដេន ដែលជាអាសនៈបណ្តោះអាសន្នរបស់រដ្ឋាភិបាលរបស់ប្រធានាធិបតីលោក អាប់រ៉ា ម៉ានសួ ហាឌី។ នៅសប្តាហ៍មុន ពួកគេពង្រីកកម្លាំងដល់ទីប្រជុំជនអាប៊ីយ៉ាននៅក្បែរនោះ។ ក្រុមអ្នកប្រយុទ្ធនៅភាគខាងត្បូង និងកម្លាំងរដ្ឋាភិបាលប៉ះទង្គិចគ្នាក្នុងខេត្តស្ហាបវ៉ា ដែលជាតំបន់ផលិតប្រេង។ ភាគីទាំងពីរគឺជាផ្នែកនៃសម្ព័ន្ធមិត្តគាំទ្រដោយលោកខាងលិចដែលធ្វើអន្តរាគមន៍នៅក្នុងប្រទេសយ៉េមែនក្នុងឆ្នាំ២០១៥ ប្រឆាំងនឹងក្រុមឧទ្ទាមហ៊ូទី ដោយពួកគេធ្លាប់បណ្តេញរដ្ឋាភិបាលរបស់លោក ហាឌី ចេញពីអំណាចនៅរដ្ឋធានីសាណានៅចុងឆ្នាំ២០១៤ ៕
