ប្រភពព័ត៌មានពី IraqiNews ចេញផ្សាយថ្ងៃទី២៧ ខែសីហា ឆ្នាំ២០១៩
ប្រភពសន្តិសុខមួយនិយាយថាជនស៊ីវិលអ៊ីរ៉ាក់ម្នាក់រងរបួសកាលពីថ្ងៃអង្គារនេះនៅក្នុងហេតុការណ៍បំផ្ទុះគ្រាប់បែកស្ថិតនៅលើដីកសិកម្មមួយកន្លែងក្នុងខេត្តឌីយ៉ាឡា។ ប្រភពព័ត៌មានបានប្រាប់បណ្តាញទូរទស្សន៍អ៊ីរ៉ាក់ Mawazin ថាគ្រាប់បែកមួយគ្រាប់បានផ្ទុះឡើងកាលពីថ្ងៃអង្គារនេះនៅលើដីកសិកម្មមួយស្ថិតនៅក្នុងភូមិ al-Waqf basin ភាគឦសានទីក្រុង Baqubah បណ្តាលឲ្យជនស៊ីវិលម្នាក់រងរបួស។ ជនរងគ្រោះបានបញ្ជូនទៅកាន់មន្ទីរពេទ្យក្បែរនោះដើម្បីព្យាបាល។ គួររំលឹកថាអំពើហិង្សានៅក្នុងប្រទេសបានកើនឡើងបន្ថែមទៀតជាមួយនឹងការកើតមាននៃពួកសកម្មប្រយុទ្ធរដ្ឋអ៊ីស្លាមដែលបានប្រកាសរដ្ឋអ៊ីស្លាមរបស់ពួកគេស្ថិតនៅក្នុងប្រទេសអ៊ីរ៉ាក់ និងស៊ីរីកាលពីឆ្នាំ២០១៤។ ការកើនឡើងនៃអំពើហិង្សារវាងក្រុមប្រដាប់អាវុធ និងកងកម្លាំងរដ្ឋាភិបាលបណ្តាលឲ្យមនុស្សជាង៥លាននាក់ផ្លាស់ទីលំនៅទូទាំងប្រទេសអ៊ីរ៉ាក់ ហើយក៏បណ្តាលឲ្យមនុស្សជាង១១លាននាក់ត្រូវការជំនួយមនុស្សធម៌ នេះបើយោងតាមការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌៕
