ប្រភពព័ត៌មានពី RTផ្សាយថ្ងៃទី២៧ ខែសីហា ឆ្នាំ២០១៩
ភ្នាក់ងារសារព័ត៌មានដកស្រង់សម្តីអ្នកនាំពាក្យ SDF លោក មុស្តាហ្វា បាលី មានប្រសាសន៍នៅថ្ងៃអង្គារ៍ថាកងកម្លាំង YPG របស់ឃឺដ និងកម្លាំងប្រជាធិបតេយ្យស៊ីរីគាំទ្រដោយសហរដ្ឋអាមេរិក គ្រោងនឹងដកកងកម្លាំងចម្ងាយ ៥-១៤គីឡូម៉ែត្រតាមបណ្តោយព្រំដែនជាមួយប្រទេសទួរគី។ ដោយពន្យល់លើកិច្ចពិភាក្សារវាងសហរដ្ឋអាមេរិក និងទួរគី លោកបាលី មានប្រសាសន៍ថា ច្រកផ្លូវតាមព្រំដែនចូលទៅក្នុងប្រទេសស៊ីរីនឹងមានសណ្ឋានខុសគ្នា ដោយសាវាស្ថិតនៅតំបន់ជនបទ ឬទីតាំងយោធាមិនមែននៅទីក្រុងឬទីប្រជុំជន។ កម្លាំងជួរមុខ SDF ជាមួយ YPG គ្រប់គ្រងភាគច្រើននៅភាគខាងជើង និងខាងកើតប្រទេសស៊ីរីក្រោយពីដណ្តើមយកទឹកដីពីរដ្ឋអ៊ីស្លាម (IS អតីតISIS)។ កងជីវពល YPGដកកម្លាំង និងអាវុធធុនធ្ងន់ពីទីតាំងមួយចំនួននៅព្រំដែនជាមួយប្រទេសទួរគី នេះបើយោងតាមរបាយការណ៍នៅថ្ងៃអង្គារ។ ប្រធានាធិបតីលោក រ៉េស៊ីប តាយីប អឺដូហ្គាន មានប្រសាសន៍នៅថ្ងៃច័ន្ទថា កងទ័ពជើងគោកទួរគីនឹងចូលទៅក្នុងតំបន់សុវត្ថិភាពមួយដែលជាការគ្រោងទុករបស់ទីក្រុងអានការ៉ា និងទីក្រុងវ៉ាស៊ីនតោននៅភាគខាងជើងប្រទេសស៊ីរីនៅពេលឆាប់ៗនេះ៕
