រដ្ឋមន្រ្តីក្រសួងការបរទេសលោក Sergey Lavrov និយាយកាលពីថ្ងៃសុក្រថាប្រទេសរុស្ស៊ីនឹងមិនស្ទាក់ស្ទើរក្នុងការឆ្លើយតបចំពោះការដាក់ពង្រាយមីស៊ីលថ្មីណាមួយរបស់សហរដ្ឋអាមេរិកទេ។ លោក Lavrov និយាយនៅទីក្រុងរ៉ូមថា “ប្រសិនបើជំហានជាក់ស្តែងត្រូវបានអនុវត្តដើម្បីបង្កើត និងពង្រាយមីស៊ីល យើងនឹងមានប្រតិកម្មវិញ ប៉ុន្តែយើងមិនមែនជាអ្នកដំបូងនោះទេ” ។
លោកធ្វើសេចក្តីថ្លែងការណ៍នៅក្នុងសន្និសីទសារព័ត៌មានជាមួយសមភាគីអ៊ីតាលីរបស់លោកគឺលោក Luigi Di Maio នៅខាងក្រៅសន្និសីទអន្តរជាតិគឺកិច្ចសន្ទនាមេឌីទែរ៉ាណេ។ប្រទេសរុស្ស៊ីស្នើឲ្យមានការផ្អាកការដាក់ពង្រាយមីស៊ីលនុយក្លេអ៊ែររយៈចម្ងាយខ្លី និងមធ្យមនៅអឺរ៉ុបបន្ទាប់ពីសន្ធិសញ្ញាកម្លាំងនុយក្លេអ៊ែរកម្រិតមធ្យម (INF) ទៅលើការហាមឃាត់សកម្មភាពបែបនេះបានបញ្ចប់ជាផ្លូវការនៅខែសីហា៕
![](https://i0.wp.com/cdn.nctc.gov.kh/2019/12/Russia-will-respond.jpg?resize=696%2C391&ssl=1)
ប្រភព RT ចុះផ្សាយថ្ងៃទី ៦ ខែធ្នូ ឆ្នាំ ២០១៩