ក្រសួងការបរទេសរុស្ស៊ីនិយាយកាលពីថ្ងៃច័ន្ទថារដ្ឋមន្ត្រីការបរទេសរុស្ស៊ីលោក Sergey Lavrov និងរដ្ឋមន្ត្រីការបរទេសអាមេរិកលោក Michael Pompeo នឹងជួបគ្នានៅថ្ងៃទី ១០ ខែធ្នូនៅទីក្រុងវ៉ាស៊ីនតោនឌីស៊ី។ សេចក្តីថ្លែងការណ៍និយាយថាពួកគេនឹងផ្លាស់ប្តូរទស្សនៈស្តីពីបញ្ហាអន្តរជាតិនិងទំនាក់ទំនងទ្វេភាគី។
ក្រសួងការបរទេសសហរដ្ឋអាមេរិកបញ្ជាក់ពីការប្រជុំនៅថ្ងៃទី ១០ ខែធ្នូតាមកាលវិភាគដែលបានចែកចាយនៅថ្ងៃអាទិត្យនេះ។ បន្ទាប់ពីការចរចារ និងការប្រាស្រ័យទាក់ទងតាមទំរង់នៃការទទួលទានអាហារថ្ងៃត្រង់ធ្វើការរដ្ឋមន្រ្តីក៏នឹងធ្វើសន្និសិទសារព័ត៌មានរួមគ្នាមួយផងដែរ។
កាសែតវ៉ាស៊ីនតោនប៉ុស្តិ៍រាយការណ៍មុននេះដោយដកស្រង់ប្រភពនៅក្នុងរដ្ឋបាលអាមេរិកថាលោក Pompeo គ្រោងនឹងពិភាក្សាអំពីការគ្រប់គ្រងអាវុធស្ថានភាពនៅស៊ីរី និងអ៊ុយក្រែនជាមួយលោក Lavrov ។ ការចុះផ្សាយនេះមិនមានព័ត៌មានណាមួយអំពីជំនួបដែលអាចកើតមានរវាងប្រធានាធិបតីដូណាល់ត្រាំ និងលោក Lavrov ឡើយ៕
ប្រភព RT ចុះផ្សាយថ្ងៃទី ៩ ខែធ្នូ ឆ្នាំ ២០១៩
