អ្នកជំនាញសុវត្ថិភាពនៅសាកលវិទ្យាល័យ Eindhoven University of Technology បង្ហាញថា វិធីសាស្ត្រវាយប្រហារថ្មីនៅលើកុំព្យូទ័រវីនដូ (Window) ឬលីនុច (Linux) លើផត Thunderbolt អាចអនុញ្ញាតឱ្យគេចូលគ្រប់គ្រងឧបករណ៍ក្នុងរយៈពេលតិចជាង៥នាទី។
ដោយសារតែមានជំនួយបច្ចេកទេសថ្មីមួយមានឈ្មោះថា Thunder Spy ដោយវាមានសមត្ថភាពអាចជៀសផុតពីប្រព័ន្ធទាមទារការអនុញ្ញាត ឬចាក់សោអេក្រង់ និងសូម្បីតែការដាក់លេខកូដហាដឌីស (hard disk) ហើយបើទោះបីជាកុំព្យូទ័រនោះត្រូវគេចាក់សោរ ឬត្រូវគេដាក់នៅក្នុងការកំណត់ Sleep mode ការកំណត់សុវត្ថិភាព (Settings) ក៏វានៅតែអាចចូលប្រើទិន្នន័យនៅលើឧបករណ៍នេះបានដែរ។
អ្នកនិពន្ធវិធីសាស្ត្រហេគនេះគឺលោក Björn Ruytenberg ពន្យល់ថា “ក្នុងករណីភាគច្រើន វាចាំបាច់ត្រូវតែបើកកុំព្យូទ័រដើម្បីកេងចំណេញពីភាពងាយរងគ្រោះ ហើយការវាយប្រហារពុំមានទុកដាន និងចំណាយពេលតែប៉ុន្មាននាទីប៉ុណ្ណោះ” ។
វិធីសាស្ត្រថ្មីនេះនាំឱ្យមានការវាយប្រហារដែលគេស្គាល់ថា ជា “ភ្នាក់ងារអាក្រក់” ហើយអ្នកវាយប្រហារដែលមានលទ្ធភាពប្រើប្រាស់កុំព្យូទ័រអាចគេចផុតពីការកំណត់សម្គាល់អត្តសញ្ញាណពីប្រព័ន្ធពិនិត្យយ៉ាងងាយស្រួល។ លោកបន្ថែមថា“ មធ្យោបាយតែមួយគត់ដើម្បីការពារប្រឆាំងនឹងការវាយប្រហារ Thunderspy គឺត្រូវបិទផត Thunderbolt ៕
ប្រភពព័ត៌មាន Gbhacker ផ្សាយថ្ងៃទី១២ ខែឧសភា ឆ្នាំ២០២០
