គណៈកម្មការរៀបចំការបោះឆ្នោតឥណ្ឌូណេស៊ីកំពុងស៊ើបអង្កេតការបញ្ចេញនូវព័ត៌មានឯកជនរបស់អ្នកបោះឆ្នោតចំនួន ២,៣ លាននាក់នៅលើគេហទំព័រហេគឃ័ររួមជាមួយការគំរាមកំហែងក្នុងការបញ្ចេញទិន្នន័យប្រមាណ ២០០ លានទៀត។
ទិន្នន័យបោះឆ្នោតពីប្រទេសដែលមានប្រជាជនច្រើនបំផុតទីបួននៅលើពិភពលោកត្រូវបានបិទផ្សាយដោយមិនបញ្ចេញឈ្មោះនៅលើវេទិកាហេគចូលប្រព័ន្ធអ៊ីនធឺណិតកាលពីថ្ងៃពុធនេះទេ ហើយក្រុមអ្នកវិភាគនិយាយថាវាអាចត្រូវបានប្រើប្រាស់សម្រាប់ការលួចអត្តសញ្ញាណ និងការលួចបន្លំ។
គណៈកម្មាធិការរៀបចំការបោះឆ្នោតទូទៅ (KPU) កាលពីថ្ងៃសុក្រនេះបញ្ជាក់ពីភាពត្រឹមត្រូវនៃទិន្នន័យដូចជាអាស័យដ្ឋានផ្ទះ និងលេខអត្តសញ្ញាណប័ណ្ណហើយនិយាយថាខ្លួនកំពុងធ្វើការដើម្បីកំណត់ប្រភពនេះ។ វាបញ្ជាក់ថាទិន្នន័យខ្លះចុះកាលបរិច្ឆេទឆ្នាំ ២០១៣ ។
ទីភ្នាក់ងារសារព័ត៌មានរ៉យទ័ររាយការណ៍ថាលោក Viryan Azizម្នាក់ក្នុងចំណោមស្នងការទាំងអស់បានបដិសេធការលេចធ្លាយនេះចេញពីម៉ាស៊ីនមេរបស់គណៈកម្មការដោយនិយាយថា ទិន្នន័យដដែលត្រូវបានចែកចាយជាមួយគណបក្សនយោបាយ និងបេក្ខជនប្រធានាធិបតីគឺស្របតាមច្បាប់៕
ប្រភព RT ចុះផ្សាយថ្ងៃទី ២២ ខែឧសភា ឆ្នាំ ២០២០
