បច្ចេកវិទ្យា Artificial Intelligence (AI) ក្នុងថ្ងៃអនាគតត្រូវបានគេរំពឹងនឹងមានភាពឆ្លាតវៃជាងការគិតរបស់មនុស្ស ប៉ុន្តែគ្មានហេតុផលណាមួយដែលអ្នករាល់គ្នាត្រូវខ្លាចរអាវាឡើយ។ នេះបើយោងតាមអ្នកត្រួសត្រាយបង្កើត AI បានបង្ហើបប្រាប់ជាសាធារណៈ។
លោក Juergen Schmidhuber ស្ថាបនិក និងប្រធាននៃក្រុមហ៊ុន NNAISENSE បានមានប្រសាសន៍ថា៖ “កន្លងមកខ្ញុំបម្រើការលើបច្ចេកវិទ្យា AI អស់ជាច្រើនទសវត្ស ពោលគឺតាំងពីអំឡុងឆ្នាំ ១៩៨០ បែបនេះហើយខ្ញុំហ៊ានអះអាងថាពិតណាស់ដែល AI ទៅថ្ងៃមុខមានភាពឆ្លាតវៃជាងខ្លួនខ្ញុំផ្ទាល់ ក៏ដូចជាពេលខ្ញុំអាចចូលនិវត្តន៍”។
ប៉ុន្តែជុំវិញមតិមេ Tesla លោក Elon Musk ព្រមានថា AI គួរឲ្យខ្លាចជាងអាវុធនុយក្លេអ៊ែរកាលពីសន្និសីទក្នុងឆ្នាំនេះ លោក Schmidhuber ហាក់មានការជំទាស់ដូច្នោះថា៖ “ខ្ញុំបានចំណាយពេលនិងសម្រួលឲ្យគាត់កាត់បន្ថយភាពភ័យខ្លាចត្រង់ចំណុចនេះ ថ្វីបើ AI អាចឆ្លាតជាងមនុស្ស ប៉ុន្តែរឿងខ្លះក៏វានឹងត្រូវបាត់បង់ការចាប់អារម្មណ៍”។
ប្រភពបានសង្កត់ធ្ងន់ ៩៥ ភាគរយនៃការស្រាវជ្រាវបច្ចេកវិទ្យា AI របស់អ្នកវិទ្យាសាស្ត្រសុទ្ធសឹងផ្តោតលើការធ្វើឲ្យប្រសើរឡើងនូវជីវិតមនុស្ស ដូចជាធ្វើឲ្យអ្នករស់បានយូរ មានសុខភាពល្អ និងមានក្តីសុខ ហើយមានតែ ៥ ភាគរយប៉ុណ្ណោះដែលសិក្សាពីការប្រើប្រាស់អាវុធ សរុបមកគឺគ្មានហេតុផលដែលគ្រប់គ្នាត្រូវព្រួយបារម្ភឡើយ៕
