OkCupid ជាកម្មវិធីណាត់ជួបដ៏មានប្រជាប្រិយបំផុតមួយដែលមានអ្នកប្រើប្រាស់ចុះឈ្មោះច្រើនជាងចំនួន៥០លាននាក់ និងត្រូវបានប្រើប្រាស់នៅក្នុងប្រទេសចំនួន១១០ប្រទេស។ កម្មវិធីនោះបង្កើតឡើងដំបូងក្នុងឆ្នាំ២០០៤ដោយមនុស្សមួយក្រុមជាមិត្តភក្តិគ្នាមានសមាជិកចំនួន០៤នាក់មកពីHarvard។
ភាពងាយរងគ្រោះដែលរកឃើញដោយអ្នកស្រាវជ្រាវជាមួយកម្មវិធីកំណែ Version 40.3.1 ត្រូវបានចេញផ្សាយនៅថ្ងៃទី២៩ ខែមេសា ឆ្នាំ២០២០ ដែលជាកំណែថ្មីបំផុតគឺកំណែ Version 43.3.2 ដែលត្រូវបានគេចេញផ្សាយនៅថ្ងៃម្សិលមិញ។
អ្នកវាយប្រហារអាចធ្វើការវាយប្រហារលើអ្នកប្រើប្រាស់ដោយ៖
-បង្ហាញទិន្នន័យសំខាន់របស់អ្នកប្រើប្រាស់ដែលផ្ទុកនៅលើកម្មវិធី
-អនុវត្តសកម្មភាពបន្លំជាជនរងគ្រោះ
-លួចយកព័ត៌មានផ្ទាល់ខ្លួនរបស់អ្នកប្រើប្រាស់ និងទិន្នន័យឯកជន ព័ត៌មានចំណង់ចំណូលចិត្ត និងចរិតលក្ខណៈ
-លួចនិមិត្តសញ្ញាផ្ទៀងផ្ទាត់របស់អ្នកប្រើប្រាស់ អត្តសញ្ញាណប័ណ្ណរបស់អ្នកប្រើប្រាស់ និងព័ត៌មានសំខាន់ផ្សេងទៀតដូចជាអាសយដ្ឋាន និងអ៊ីម៉ែល
-ផ្ញើទិន្នន័យដែលប្រមូលបានទៅម៉ាស៊ីនមេរបស់អ្នកវាយប្រហារ
អ្នកប្រើប្រាស់ត្រូវបានផ្តល់អនុសាសន៍ឱ្យធ្វើបច្ចុប្បន្នភាពជាមួយនឹងកំណែ 43.3.2 ដើម្បីកាត់បន្ថយហានិភ័យ។
ប្រែសម្រួល៖ ប៉ោក លក្ខិណា
ប្រភពព័ត៌មានGbhacker ផ្សាយថ្ងៃទី២៩ ខែកក្កដា ឆ្នាំ២០២០
