សម្រាប់ Amazon Prime Day ចាប់ផ្តើមដំណើរការហើយ ជាពិសេសអ្នកវាយប្រហារបានបង្កើនយុទ្ធនាការការក្លែងបន្លំដោយប្រើប្រាស់នូវម៉ាកយីហោ និងឡូហ្គូរបស់ Amazon ផងដែរ។ យោងតាមអ្នកស្រាវជ្រាវនៅក្នុងរយៈពេល ៣០ ថ្ងៃចុងក្រោយនេះការចុះឈ្មោះគេហទំព័រក្លែងក្លាយមានចំនួន ២១% ជាមួយនឹងពាក្យថា “Amazon” បើប្រៀបធៀបទៅនឹងខែមុននេះ។
អ្នកស្រាវជ្រាវផ្នែកសុវត្ថិភាពមកពី Bolster បញ្ជាក់ថា វាមានការកើនឡើងយ៉ាងខ្លាំងនៃគេហទំព័រលួចបន្លំ និងការបោកបញ្ឆោតថ្មីរបស់ក្រុមហ៊ុន Amazon នៅក្នុងខែសីហាជាមួយនឹងការកើនឡើង ២,៥ ដងទៀតនៅក្នុងខែកញ្ញានេះ។ អ្នកវាយប្រហារព្យាយាមចម្លងប្លង់រចនាខាងលើ ខាងក្រោម ពុម្ពអក្សរ និងវិមាត្ររបស់គេហទំព័រ Amazon ដើម្បីបញ្ឆោតអ្នកទិញទំនិញ។
ពួកហេគឃ័រព្យាយាមទាក់ទាញជនរងគ្រោះ ហើយពួកគេលួចយកទិន្នន័យដែលងាយរងគ្រោះបំផុតដូចជាព័ត៌មានកាតឥណទាន ឈ្មោះ ថ្ងៃកំណើត អ៊ីមែល និងអាស័យដ្ឋាន និងព័ត៌មានលំអិតផ្សេងទៀតចូលក្នុងគេហទំព័រព្យាបាទរបស់ពួកហេគឃ័រនេះ។ នៅក្នុងពិភពឌីជីថលនេះ ការត្រួតពិនិត្យសុវត្ថិភាពគេហទំព័រគឺជាក្តីបារម្ភដ៏សំខាន់បំផុតព្រោះថាវាមានគេហទំព័រព្យាបាទរាប់មិនអស់ដែលអាចរកបាននៅគ្រប់ទីកន្លែងតាមអ៊ិនធរណិត។ យើងត្រូវរកមើលដោយវៃឆ្លាត ហើយត្រូវប្រាកដថាគេហទំព័រនោះមិនមានគ្រោះថ្នាក់៕
