អ្នកវាយប្រហារម្នាក់កំពុងចែកចាយកំណត់ត្រាទូរទស្សន៍ Pluto TV ចំនួន ៣,២ លាននាក់ដែលលួចបានអំឡុងពេលបំពានទិន្នន័យ។
ទូរទស្សន៍ Pluto TV គឺជាសេវាកម្មទូរទស្សន៍អ៊ិនធឺរណិតដែលអនុញ្ញាតឱ្យអ្នកចាក់ផ្សាយកម្មវិធីទូរទស្សន៍ឥតគិតថ្លៃជាមួយការផ្សាយពាណិជ្ជកម្ម។ សេវាកម្មនេះមានសមាជិកច្រើនជាង ២៨ លាននាក់ ហើយកម្មវិធីទូរស័ព្ទទទួលបានការដំឡើងច្រើនជាង១០លានដង។
គេនិយាយថា រាល់ការបំពានទាំងនេះធ្វើឡើងដោយអ្នកគំរាមម្នាក់ឈ្មោះ ShinyHunters ដែលទទួលខុសត្រូវចំពោះការបំពានទិន្នន័យជាច្រើន និងការលួចលើ GitHub របស់ក្រុមហ៊ុន Microsoft នាពេលកន្លងមក។ ទោះជាយ៉ាងណា នៅរយៈពេលប៉ុន្មានខែកន្លងមកនេះក្រុម ShinyHunters បានបាត់ខ្លួនហើយមានការបំពានទិន្នន័យតិចជាងមុន។
ចាប់តាំងពី ShinyHunters លេចចេញមក ការបំពានទិន្នន័យជាច្រើនត្រូវបានបញ្ជាក់រួមទាំងលើ Animals Jam, 123RF, Geekie, Athletico, Wongnai, RedMart និងជាច្រើនផ្សេងទៀត។
គំរូនៃទិន្នន័យដែលភ្នាក់ងារ BleepingComputer បានរកឃើញមានដូចជា ការបង្ហាញឈ្មោះរបស់សមាជិក អាសយដ្ឋាន អ៊ីម៉ែលល លេខកូដbcrypt មានលេខសំងាត់ថ្ងៃខែឆ្នាំកំណើត វេទិកា ឧបករណ៍ និងអាសយដ្ឋាន IP។ការបំពានទិន្ន័យនេះហាក់បីដូចជាមានរយៈពេលពីរឆ្នាំមកហើយ ដោយកំណត់ត្រាចុងក្រោយធ្វើឡើងនៅថ្ងៃទី១២ ខែតុលា ឆ្នាំ២០១។ ប្រភព BleepingComputer បានបញ្ជាក់ថា រាល់អាសយដ្ឋានអ៊ីម៉ែលដែលបានចែករំលែកនៅក្នុងគំរូគឺជាសមាជិកជាក់ស្តែងរបស់ទូរទស្សន៍ Pluto។ កត្តានេះនាំឱ្យយើងជឿថា ពិជាមានការបំពានទិន្នន័យ។ នៅក្នុងសេចក្តីថ្លែងការណ៍របស់ BleepingComputer បានឲ្យដឹងថា ទោះបីជាយ៉ាងណាទូរទស្សន៍ Pluto មិនបានបញ្ជាក់ថា មានការបំពានទិន្នន័យនោះទេ ដោយអះអាងថា ពួកគេកំពុងតែស៊ើបអង្កេតប៉ុណ្ណោះ។
ប្រសិនបើអ្នកប្រើលេខសម្ងាត់ទូរទស្សន៍ Pluto ដូចគ្នានៅគេហទំព័រផ្សេងទៀត គេផ្តល់ការណែនាំឱ្យអ្នកផ្លាស់ប្តូរវានៅទីនោះផងដែរ។ អ្នកអាចប្រើកម្មវិធីគ្រប់គ្រងពាក្យសម្ងាត់ដើម្បីធ្វើការតាមដានលេខសម្ងាត់ដែលប្លែកនៅគ្រប់គេហទំព័រ៕
ប្រែសម្រួល៖ប៉ោក លក្ខិណា
ប្រភពព័ត៌មាន bleepingcomputer ចុះផ្សាយថ្ងៃទី១៤ ខែវិច្ឆិកា ឆ្នាំ២០២០
