អ្នកផ្តល់សេវាបង្ហោះវ៉ិបសាយ Managed.com បានបិទម៉ាស៊ីនមេ និងប្រព័ន្ធបង្ហោះគេហទំព័រឲ្យនៅក្រៅបណ្តាញ នៅពេលដែលពួកគេប្រឈមនឹងការស្តាបណ្តាញពីការវាយប្រហាររបស់មេរោគ REVil ។
នៅព្រឹកថ្ងៃចន្ទនេះ Managed.com បានប្រកាសថា ពួកគេបានជួបបញ្ហាមួយដែលប៉ះពាល់ដល់សេវាកម្មបង្ហោះរបស់ពួកគេ ហើយពួកគេកំពុងតែធ្វើការស៊ើបអង្កេតលើបញ្ហានេះ។
នៅពេលមានការចុះផ្សាយពីព័ត៌មាននេះ វ៉ិបសាយសម្រាប់អតិថិជន Managed.com មិនអាចបើកបានទៀតទេ ដែលនាំឱ្យអតិថិជនមួយចំនួនប្តូរការបង្ហោះវ៉ិបសាយរបស់ពួកគេទៅអ្នកផ្តល់សេវាកម្មផ្សេងទៀត។
យោងតាមប្រភពស្រាវជ្រាវបានឲ្យដឹងថា មេរោគ REvil គឺបានទាមទារប្រាក់លោះ $500,000 ដើម្បីឌីគ្រីប។ គេមិនទាន់ដឹងថា ប្រតិបត្តិការលួចឯកសារដែលមិនបានអ៊ិនគ្រីបធ្វើប្រតិបត្តិការមុនពេលដាក់លេខកូដលើឧបករណ៍នោះទេ។
REvil គឺជាសេវាកម្មមេរោគ (Ransomware-as-a-Service) ដែលចាប់ផ្តើមចម្លងនៅខែមេសាឆ្នាំ២០១៩ ហើយចាប់តាំងពីពេលនោះមកវា បានក្លាយជាផ្នែកមួយនៃប្រតិបត្ដិការលោះក្នុងផលិតផលធំបំផុតនៅក្នុងប្រតិបត្តិការវាយប្រហារបច្ចុប្បន្ន។
នៅក្នុងបទសម្ភាសន៍ថ្មីៗជាមួយអ្នកតំណាងសាធារណៈនៃប្រតិបត្ដិការមេរោគREvil (ransomware)អះអាងថា ពួកគេរកប្រាក់ចំណូលបានច្រើនជាងចំនួន១០០ លានដុល្លារក្នុងមួយឆ្នាំក្នុងការទូទាត់ប្រាក់ជំរិតទារប្រាក់។ មេរោគ REvil ធ្វើការវាយប្រហារធំៗ នាពេលកន្លងមករួមមានលើក្រុមហ៊ុន Travelex, Kenneth Cole, SeaChange, Brown-Forman និងក្រុមហ៊ុនច្បាប់ល្បីឈ្មោះ Grubman Shire Meiselas & Sacks (GSMLaw)៕
ប្រែសម្រួល៖ ប៉ោក លក្ខិណា
ប្រភពព័ត៌មាន bleepingcomputer ចុះផ្សាយថ្ងៃទី០៨ ខែវិច្ឆិកា ឆ្នាំ២០២០
