ឧក្រិដ្ឋជនតាមអ៊ិនធឺរណិតដែលកំពុងព្យាយាមលួចយកព័ត៌មានផ្ទាល់ខ្លួនដោយបោកប្រាស់ពលរដ្ឋអាមេរិកតាមរយៈអ៊ីម៉ែលអះអាងថា ពួកគេមកពីទីភ្នាក់ងាររដ្ឋាភិបាលដែលផ្តល់ជំនួយ។
តួអង្គអាក្រក់ទាំងនោះកំពុងផ្ញើសារ ដោយបានអះអាងថា ពួកគេបានមកពីអង្គភាពរដ្ឋាភិបាលសហព័ន្ធ ដែលផ្តល់ជំនួយហិរញ្ញវត្ថុ ឬជំនួយដល់អ្នកគ្មានការងារធ្វើក្នុងកំឡុងពេលមានជំងឺរាតត្បាតកូវីត១៩ ។
សម្រាប់សារដែលមានគំនិតអាក្រក់មួយ ក្រុមហ៊ុនការពារអ៊ីម៉ែល Inky និយាយថា ឧក្រិដ្ឋជនតាមអ៊ិនធឺរណិតបានលួងលោមជនរងគ្រោះដោយក្លែងបន្លំប្រើប្រាស់កម្មវិធីរដ្ឋាភិបាល ដោយធានាថានឹងផ្តល់ប្រាក់រហូតដល់៥៨០០ដុល្លារ។
ការចុចលើតំណនោះនាំឱ្យមានការហេគ ឬក្លែងបន្លំលួចយកទិន្ន័យរបស់អ្នកប្រើប្រាស់ ដោយពួកគេបានដើរតួជាបុគ្គលិករដ្ឋាភិបាលសហព័ន្ធសហរដ្ឋអាមេរិក។ នៅលើគេហទំព័រដែលមានគំនិតអាក្រក់បានស្នើឱ្យជនរងគ្រោះបំពេញឈ្មោះ និងថ្ងៃខែឆ្នាំកំណើតរបស់ពួកគេដើម្បីអាចចូលមើលទម្រង់ផ្សេងទៀតដើម្បីអាចស្នើសុំជំនួយដោយព័ត៌មានបន្ថែមរួមមានលេខសន្តិសុខសង្គម ប័ណ្ណបើកបរ អាសយដ្ឋាន លេខកូដប្រៃសណីរដ្ឋ លេខទូរស័ព្ទ និងអាស័យដ្ឋានអ៊ីម៉ែល។ ក្រោយពីអ្នកក្លែងបន្លំប្រមូលបានទិន្ន័យទាំងអស់នោះរួចហើយ ពួកគេបានសូមថ្លែងអំណរគុណដល់ជនរងគ្រោះ ហើយសន្យាថា ពួកគេនឹងទាក់ទងពួកគេឱ្យបានឆាប់តាមដែលអាចធ្វើទៅបាន។
អ៊ីម៉ែលក្លែងបន្លំទីពីរគឺជាការដាស់តឿនសម្រាប់សកម្មភាពគួរឱ្យសង្ស័យ។ វាក្លែងបន្លំលើកម្មវិធីជំនួយភាពគ្មានការងារធ្វើដោយសារជំងឺរាតត្បាត (PUA) ដែលគ្រប់គ្រងដោយរដ្ឋធានីមួយ។ ជាការពិតណាស់ដែលថា សារដែលផ្ញើចេញពីរដ្ឋាភិបាលសហព័ន្ធគួរតែមានទង់ក្រហម។
ដូចគ្នាទៅនឹងសារមុនដែរ តំណនៅក្នុងអ៊ីម៉ែលនេះនាំអ្នកប្រើប្រាស់ទៅដល់ទំព័រដែល សម្របសម្រួលដោយអ្នកក្លែងបន្លំ។ ព័ត៌មានដែលគេស្នើសុំក្នុងសារបោកប្រាស់នោះគឺជាឈ្មោះអ្នកប្រើប្រាស់ និងពាក្យសម្ងាត់របស់ជនរងគ្រោះ។ ក្រោយពីទទួលបានទិន្នន័យជនរងគ្រោះ ជនរងគ្រោះទាំងនោះត្រូវបានប្តូរទិសទៅកម្មវិធីផ្តល់ការធានារ៉ាប់រងភាពអត់ការងារធ្វើពិតប្រាកដរបស់មន្ទីរការងារសហរដ្ឋអាមេរិក។
ប្រែសម្រួល៖ ប៉ោក លក្ខិណា
ប្រភពព័ត៌មាន bleepingcomputer ចុះផ្សាយថ្ងៃទី២៤ ខែវិច្ឆិកា ឆ្នាំ២០២០
