ប៉ុន្មានខែមុននេះ អាជ្ញាធរប្រទេសបារាំងបានលម្អិតពីប្រតិបត្តិការ Operation Venetic ដែលពួកគេ គ្រប់គ្រងការសម្របសម្រួលសុវត្ថិភាពគណនីនៅក្នុងកម្មវិធីផ្ញើសារ EncroChat ត្រូវបានអ៊ីនគ្រីប ហើយអនុញ្ញាតឱ្យភ្នាក់ងារអ្នកច្បាប់ដែលឆ្លងកាត់អ៊ឺរ៉ុបប្រមូលយកភស្តុតាងពីជនសង្ស័យជាង១៥០០ នាក់។ បន្ទាប់ពីឧប្បត្តិហេតុនេះ តុលាការដែលបានដឹងពីបណ្តាញទំនាក់ទំនងនេះ នឹងចោទសួរ រដ្ឋាភិបាលបារាំងពីរបៀបដែលអាជ្ញាធរដំណើរការបណ្តាញនេះ។
អាជ្ញាធរបារាំងបានលើកឡើងថា ដំណើរការនៃការបង្ហាញពីភស្តុតាងនេះមានភាពស្មុគស្មាញព្រោះ តុលាការមិនមានចំណេះដឹងទាក់ទងនឹង EncroChat hacking។ លើសពីនេះ វាជាការការពារក្តីដែល មានភាពតានតឹង ដែលចោទសួរពីភាពស្របច្បាប់ និងភាពអាចទទួលយកបាននៃភស្តុតាងពីការ ទំនាក់ទំនងដែលបានអ៊ីនគ្រីបនៅលើបណ្តាញនេះ។
អាជ្ញាធរអង់គ្លេសបានចាប់ឃាត់ព័ត៌មានរាប់រយពីដំណើរការនេះ ដូច្នេះភ្នាក់ងារឧក្រឹដ្ឋកម្មជាតិ អង់គ្លេសបានផ្តល់អនុសាសថា តុលាការបានត្រៀមទទួលរឿងក្តីយ៉ាងតិចណាស់ ៤០០ស្រដៀងគ្នា នេះ។
Jonathan Kinnear អ្នកជំនាញនៅ Organized Crime Division នៃការិយាល័យ Crown Prosecutor បានលើកឡើងថាការកាត់ទោសកំពុងតែដំណើរការស្នើសុំពីមេធាវីអ្នកការពារក្តី៖ “យើងកំពុងតែធ្វើការ ឆ្លើយតបទៅសំណើរទាំងនេះ ហើយការវិភាគពីលក្ខណៈនៃការបង្ហាញព័ត៌មានទាំងនេះថា មាន ព័ត៌មានខ្លះសម្ងាត់មិនគួរត្រូវបានបង្ហាញជាភស្តុតាងទេ។
តុលាការ កំពុងតែចោទសួរពីលទ្ធភាពរបស់អាជ្ញាធរបារាំងបំបែកសុវត្ថិភាពនៅលើ platform នេះ ទោះបីយ៉ាងណា នាពេលថ្មីៗនេះ ភ្នាក់ងារប៉ូលិសនៅ Netherlands and Belgium បានថ្លែងថាបាន សម្របសម្រួលសុវត្ថិភាពនៃ Sky ECC ដែលជា platform ទំនាក់ទំនងត្រូវបានអ៊ីនគ្រីបផ្សេងទៀត។ នៅក្នុងរបាយការណ៍ អាជ្ញាធរប្រទេសទាំងនេះបានលើកឡើងថាបានដំណើរការសារត្រូវបានអ៊ីនគ្រីប ជាង១ពាន់លានពីបណ្តាញនេះ ហើយក៏បានអនុញ្ញាតឱ្យមានការចាប់ខ្លួនជាច្រើនផងដែរ។
បន្ថែមពីលើការចោទសួរពីការប្រព្រឹត្តនេះ តុលាការបានលើកឡើងថា ការសម្របសម្រួលឯកសារ ទាំងនេះ ជាបទរំលោភលើសិទ្ធិឯកជន។
ប្រភពព័ត៌មាន៖ ថ្ងៃទី១ ខែមេសា ឆ្នាំ២០២១
ប្រែសម្រួលដោយ៖ កញ្ញា