តាមរយៈអ្នកនាំពាក្យផ្លូវការរបស់សាខាសហភាពអ៊ឺរ៉ុប European Commission បានឱ្យដឹងថា កាលពី ខែមីនា ខ្លួនបានរងគ្រោះដោយសារការវាយប្រហារអ៊ីនធឺណិត ដែលបានប៉ះពាល់ដល់អង្គការផ្សេង ទៀតនៅក្នុងសហភាពអ៊ឺរ៉ុប។ ការវាយប្រហារប៉ះពាល់ទៅដល់ប្រព័ន្ធរបស់អង្គការទាំងនេះ ហើយ ក្រុមហេគឃ័រនៅក្រោយឧប្បត្តិហេតុនេះនៅមិនទាន់ស្គាល់នៅឡើយទេ។
អ្នកស្រាវជ្រាវ Bloomberg បានថ្លែងនៅចុងខែមីនាថា៖ “អង្គការចម្រុះជាប់ទាក់ទងនឹងសហភាពអ៊ឺរ៉ុប រួមមាន European Commission ទទួលរងផលប៉ះពាល់ពីឧប្បត្តិហេតុនេះយ៉ាងធ្ងន់ធ្ងរកាលពីសប្តាហ៍ មុន។ “វាចាំបាច់ណាស់ដែលលើកឡើងថា យើងស្ថិតនៅក្នុងដំណាក់កាលចាប់ផ្តើមនៃការស៊ើបអង្កេត ដូច្នេះវាដូចជាឆាប់រហ័សពេកក្នុងការផ្តល់ព័ត៌មានលម្អិតណាស់។
ទោះបីជា អ្នកនាំពាក្យបានលើកឡើងពី “ឧប្បត្តិហេតុអ៊ីនធឺណិត” ប្រភពជិតស្និទ្ធនឹង European Commission បានថ្លែងថា រឿងនេះគឺជាការវាយប្រហារដ៏គ្រោះថ្នាក់ដល់រចនាសម្ព័ន្ធសំខាន់របស់ សហភាពអ៊ឺរ៉ុប ដូច្នេះបុគ្គលិកទាំងអស់ដែលធ្វើការនៅក្នុងស្ថាប័ននេះត្រូវបានគេព្រមានឱ្យប្រយ័ត្ន ចំពោះការវាយប្រហារតាម spear phishing attack។
ឧប្បត្តិហេតុនេះកំពុងតែស៊ើបអង្កេតដោយក្រុមឆ្លើយតបបន្ទាន់កុំព្យូទ័រ (CERT) ដែលបានសហការ ជាមួយភ្នាក់ងារអនុវត្តច្បាប់នៅទូទាំងសហភាពអ៊ឺរ៉ុប៖ “យើងកំពុងតែធ្វើការយ៉ាងជិតស្និទ្ធជាមួយនឹង ក្រុមហ៊ុនផ្គត់ផ្គង់ IT ដែលដោះស្រាយបញ្ហាបុគ្គលិកនៅស្ថាប័នដែលរងគ្រោះ” បើយោងតាមសំដីរបស់ អ្នកនាំពាក្យ។
ដើម្បីបន្ថែមសុវត្ថិភាព សហភាពអ៊ឺរ៉ុបបានបង្កើត protocol ត្រួតពិនិត្យជាអចិន្ត្រៃយ៍នៅក្នុងបណ្តាញ network របស់ខ្លួន ក៏ដូចជាដើម្បីកាត់បន្ថយហានិភ័យផងដែរ។
ប្រភពព័ត៌មាន៖ ថ្ងៃទី៧ ខែមេសា ឆ្នាំ២០២១
ប្រែសម្រួលដោយ៖ កញ្ញា
