លេខទូរស័ព្ទរបស់អ្នកប្រើប្រាស់ Facebook ចំនួន ៥៣៣ លាននាក់លេចធ្លាយនៅលើវេទិការបស់ក្រុមហេគឃ័រ

លេខទូរស័ព្ទដៃ និងព័ត៌មានផ្ទាល់ខ្លួនផ្សេងទៀតរបស់អ្នកប្រើប្រាស់បណ្តាញសង្គម Facebook មានចំនួនប្រហែលជា ៥៣៣លាននាក់នៅទូទាំងពិភពលោកត្រូវបានបែកធ្លាយនៅលើវេទិកាឥតគិតថ្លៃរបស់អ្នកវាយប្រហារដ៏ពេញនិយមមួយ។

ហេគឃ័រលួចទិន្នន័យទាំងនោះជាលើកដំបូងនៅក្នុងសហគមន៍ហេគឃ័រនៅខែមិថុនា ឆ្នាំ ២០២០ នៅពេលដែលសមាជិកហេកឃ័រម្នាក់បានចាប់ផ្តើមលក់ទិន្នន័យហ្វេសប៊ុកទៅឱ្យសមាជិកដទៃផ្សេងទៀត។អ្វីដែលសំខាន់នោះគឺថាវាមានផ្ទុកព័ត៌មានសមាជិកដែលអាចត្រូវបានលាក់ពីប្រវត្តិរូបសាធារណៈ និងលេខទូរស័ព្ទចល័តរបស់គណនីអ្នកប្រើប្រាស់ទាំងនោះ។ទិន្នន័យរបស់អ្នកប្រើប្រាស់ហ្វេសប៊ុកចំនួន ៥៣៣,៣១៣,១២៨នាក់ដែលហេគឃ័របានលក់រួមមានលេខទូរស័ព្ទ សមាជិក លេខហ្វេសប៊ុក( ID)ឈ្មោះ ភេទ ទីតាំង ស្ថានភាពទំនាក់ទំនង មុខរបរ ថ្ងៃខែឆ្នាំកំណើត និងអាស័យដ្ឋានអ៊ីម៉ែល។

ការចេញផ្សាយនេះធ្វើឲ្យក្រុមអ្នកគម្រាមកំហែងដទៃទៀតនៅលើវេទិការបស់ក្រុមហេគឃ័រពេញចិត្ត ព្រោះពួកគេអាចប្រើទិន្ន័យទាំងនោះដើម្បីធ្វើការវាយប្រហារទៅលើអ្នកប្រើប្រាស់ដែលលេចធ្លាយទិន្នន័យដូចលើកឡើងនៅក្នុងតារាងខាងក្រោម។ ឧទាហរណ៍ អ្នកគម្រាមកំហែងអាចប្រើប្រាស់អាសយដ្ឋានអ៊ីម៉ែលសម្រាប់ការវាយប្រហារ ការបន្លំលើលេខទូរស័ព្ទតាមរយៈការវាយប្រហារដោយការផ្ញើសារតាមទូរស័ព្ទចល័ត។ ខាងក្រោមគឺជាឈ្មោះប្រទេស និងចំនួនទិន្ន័យរបស់អ្នកប្រើប្រាស់ដែលហេគឃ័រទាញយកបាន។

ប្រែសម្រួល៖ប៉ោក លក្ខិណា