ឧប្បត្តិហេតអ៊ីនធឺណិតបានប៉ះពាល់ទៅដល់មនុស្សរាប់ពាន់នាក់នៅឥណ្ឌា។ នាពេលថ្មីៗនេះ អ្នកស្រាវជ្រាវសន្តិសុខអ៊ីនធឺណិតបានថ្លែងថាព័ត៌មានកាតបង់ប្រាក់ជាង១លានបានដាក់លក់នៅលើ គេហទំព័រទីផ្សារងងឹត ក្នុងតម្លៃជាង ៥០០ពាន់ដុល្លា។ ព័ត៌មាននេះលេចចេញពីប្រព័ន្ធ Pizza របស់ Domino ឥណ្ឌា។
លោក Alon Gal ដែលជាមន្ត្រីបច្ចេកទេសនៅក្រុមហ៊ុនសន្តិសុខ Hudson Rock បានលើកឡើងថា ហេគឃ័រចង់ហេគទិន្នន័យនៅហាង Domino របស់ឥណ្ឌា ដែលមានទំហំជាង ១៣ TB ។
នៅក្នុងសំដីរបស់អ្នកជំនាញ ព័ត៌មានរួមមានជាង ១៨០លាន ការកម្មង់នៅសាខាហាង Pizza ដែល មានឈ្មោះ លេខទូរស័ព្ទ អាសយដ្ឋាន អាសយដ្ឋានអ៊ីម៉ែល និងការបង់ប្រាក់ លើសពីនេះ កាតបង់ ប្រាក់រាប់លានត្រូវបានបង្ហាញ៖ “នេះជាការលេចព័ត៌មានដ៏អាក្រក់មួយនាពេលថ្មីៗនេះ” បើយោងតាម សំដីរបស់អ្នកជំនាញ។
ជាងនេះទៀត អ្នកស្រាវជ្រាវ Rajshekhar បានរាយការណ៍ទៅកាន់ CERT-IN ដែលជាភ្នាក់ងារ សន្តិសុខនៅឥណ្ឌា ហើយប្រហែលជាមានព័ត៌មានជនរងគ្រោះជាង ២០០លាននាក់ត្រូវបានបង្ហាញ។ វាប្រាកដថា ទោះបីជាព័ត៌មានដែលត្រូវបង្ហាញបានកំពុងតែដាក់លក់ អ្នកលក់មិនបានបង្ហាញពី ភស្តុតាងនៃឧប្បត្តិហេតុនេះទេ។
នៅក្នុងអំឡុងពេលនៃឧប្បត្តិហេតុនេះ មានប្រជាជនឥណ្ឌារាប់ពាន់នាក់រងផលប៉ះពាល់ពីបញ្ហានេះ រួមមានប្រព័ន្ធនៅក្នុងក្រុមហ៊ុន Bigbasket, BuyUcoin, JusPay, និងក្រុមហ៊ុនជាច្រើនទៀត។ Gal ក៏បានបន្ថែមថា មាន Facebook records ជាង ៥៣៣លាន ត្រូវបានបង្ហាញ នៅក្នុងនោះមាន ១៦៦ពាន់ records ជាអ្នកប្រើនៅឥណ្ឌា។ ព័ត៌មានដែលត្រូវបានបង្ហាញរួមមាន៖ ឈ្មោះអ្នកប្រើ, អត្តសញ្ញាណ Facebook, អាសយដ្ឋានអ៊ីម៉ែល, ភេទ, ព័ត៌មានការងារ និងមានព័ត៌មានផ្សេងៗទៀត។
ប្រភពព័ត៌មាន៖ ថ្ងៃទី១៩ ខែមេសា ឆ្នាំ២០២១
ប្រែសម្រួលដោយ៖ កញ្ញា
