ថ្មីៗនេះ ក្រុមអ្នកស្រាវជ្រាវសុវត្ថិភាពតាមអ៊ីនធឺរណិតបានរកឃើញយុទ្ធនាការមេរោគដោយអ្នកជំនាញអះអាងថា យុទ្ធនាការនេះកំពុងប្រើប្រាស់បរិស្ថានអភិវឌ្ឍន៍ Xcode។
បុច្ចុប្បន្ន យុទ្ធនាការនេះកំពុងកំណត់គោលដៅជាបន្តបន្ទាប់ទៅលើបន្ទះឈីប Apple M1 ថ្មីនិងអាចចូលលួចទិន្នន័យពីកម្មវិធី cryptocurrency។
ក្រោយពីមានការស៊ើបអង្កេតត្រឹមត្រូវ អ្នកវិភាគបានដឹងថា មេរោគ XCSSET ស្ថិតនៅពីក្រោយយុទ្ធនាការ ហើយនេះមិនមែនជាលើកទីមួយទេនៅពេលដែលអ្នកជំនាញរកឃើញមេរោគបែបនេះ។ សូមបញ្ជាក់ថា គេរកឃើញមេរោគ XCSSET លើកដំបូងនៅខែសីហា
ឆ្នាំ២០២០ ហើយចាប់ពីពេលនោះមក មេរោគនោះបានកំណត់គោលដៅជាបន្តបន្ទាប់ទៅលើអ្នកអភិវឌ្ឍន៍កម្មវិធីសម្រាប់ការលួចទិន្នន័យ។
ជាទូទៅ XCSSET បានជួសជុលរាល់ម៉ូឌុលបន្ទុកទាំងអស់ ដោយវាអាចបង្ហាញខ្លួនជាកម្មវិធីស្របច្បាប់របស់ Mac។ ក្រោយមកទៀតវានឹងបង្កផលប៉ះពាល់ដល់គម្រោង Xcode ក្នុងតំបន់។កម្មវិធីរុករកដែលអ្នកគម្រាមកំហែងប្រើប្រាស់ដើម្បីអនុវត្តការវាយប្រហារមានដូចជា៖
- Microsoft Edge
- Google Chrome
- Brave
- Opera
- Mozilla Firefox
- Yandex Browser
- Qihoo 360 Browser
យោងទៅតាមការវិភាគលើមេរោគ XCSSET គេឃើញថា Xcode Projects ជាកត្តាគម្រាមកំហែងធំធេងដល់អ្នកអភិវឌ្ឍន៍។ លើសពីនេះទៅទៀត អ្នកអភិវឌ្ឍន៍ដែលរងផលប៉ះពាល់ធ្លាប់បានបង្ហោះស្នាដៃរបស់ពួកគេទាំងអស់នៅលើគេហទំព័រក្រុមហ៊ុន GitHub៕
ប្រែសម្រួល៖ ប៉ោក លក្ខិណា
ប្រភពព័ត៌មាន gbhackers ចុះផ្សាតយថ្ងៃទី២១ ខែមេសា ឆ្នាំ២០២១
