អ្នកផ្តល់ប្រាក់កម្ចីធំជាងគេបំផុតរបស់ប្រទេសរុស្ស៊ីគឺធនាគារ Sberbank បានបង្ហើបឱ្យដឹងថា សមាមាត្រនៃការចាយប្រាក់ដែលមិិនមែនជាក្រដាសប្រាក់ (cashless) បានឈានដល់កម្រិតខ្ពស់បំផុតនៅក្នុងត្រីមាសទីមួយនៃឆ្នាំនេះ។ ទន្ទឹមនឹងនេះដែរ ធនាគារកណ្តាលកំពុងសម្លឹងមើលប្រតិបត្តិការគ្មានប្រើប្រាស់ក្រដាសប្រាក់មានការកើនឡើងកាន់តែច្រើនផងដែរ។
យោងតាមទិន្នន័យរបស់ Sberbank បានបង្ហាញថា ចំណែកភាគរយនៃការចំណាយដោយមិនប្រើប្រាស់ក្រដាសប្រាក់ក្នុងចំណោមប្រជាជនរុស្ស៊ីបានកើនឡើងដល់ ៥៩,៤ ភាគរយក្នុងរយៈពេល ៣ ខែដំបូងនៃឆ្នាំ ២០២១ ដែលនេះបង្កើតនូវអត្រាខ្ពស់បំផុត។ ការលក់ជាច្រើនដោយមិនប្រើប្រាស់ក្រដាសប្រាក់បានកើនឡើង ៣,៥ ភាគរយពីមួយត្រីមាសទៅមួយត្រីមាស និង ៦,៣ ភាគរយបើប្រៀបធៀបទៅនឹងឆ្នាំមុននេះ។
ធនាគារបានកត់សម្គាល់ថា នៅក្នុងត្រីមាសដំបូងនេះ ជាធម្មតាមានការកើនឡើងនូវការលក់ដោយមិនប្រើប្រាស់នូវក្រដាសប្រាក់ពិតមែន ប៉ុន្តែការកើនឡើងក្នុងឆ្នាំនេះនៅតែជាចំនួនច្រើនបំផុតចាប់តាំងពីឆ្នាំ ២០១៨ លើសពីអត្រាកំណើនក្នុងអំឡុងពេលរលកដំបូងនៃការផ្ទុះឡើងនៃជំងឺកូរ៉ូណាថែមទៀត។ នៅក្នុងការស្រាវជ្រាវរបស់ Sberbank បាននិយាយថា“ នេះជាការផ្លាស់ប្តូរជាបណ្តោះអាសន្ននូវចំណូលចិត្តអ្នកប្រើប្រាស់ចំពេលមានការរាតត្បាតរាលដាលនៃមេរោគកូវីដ ១” ក្រុមអ្នកវិភាគនៅធនាគារបានបន្ថែមថា មេរោគកូវីដ ១៩ អាចនាំឱ្យមានលំនាំនៃការប្រើប្រាស់ថ្មីមួយដែលងាកចេញពីការប្រើប្រាស់នូវក្រដាសប្រាក់៕
សម្រួល៖ សុផា
