ធនាគារកណ្តាលនៃប្រទេសតួកគី (CBRT) បានហាមឃាត់ការប្រើប្រាស់រូបិយប័ណ្ណគ្រីបតូ (cryptocurrencies) ក្នុងការទិញទំនិញ និងសេវាកម្មនានាដោយព្រមានពីហានិភ័យជាច្រើនដែលអាចកើតឡើងនៅក្នុងប្រតិបត្តិការជាមួយនឹងរូបិយប័ណ្ណនេះ។ ច្បាប់នេះចូលជាធរមាននៅថ្ងៃទី ៣០ ខែមេសានេះ។
និយតករបាននិយាយនៅក្នុងសេចក្តីថ្លែងការណ៍មួយដែលត្រូវបានចុះផ្សាយនៅក្នុងព្រឹត្តិប័ត្រផ្លូវការថា រូបិយប័ណ្ណគ្រីបតូ (cryptocurrencies) និងទ្រព្យសម្បត្តិឌីជីថលដទៃទៀតដែលផ្អែកលើបច្ចេកវិទ្យាមិនអាចត្រូវបានប្រើប្រាស់ដោយផ្ទាល់ ឬដោយប្រយោលជាឧបករណ៍ទូទាត់ប្រាក់ឡើយ។ CBRT បាននិយាយថា “ក្រុមហ៊ុនផ្តល់សេវាបង់ប្រាក់ជាច្រើនមិនអាចអភិវឌ្ឍគំរូអាជីវកម្មតាមរបៀបដែលរូបិយប័ណ្ណគ្រីបតូ (cryptocurrencies) ត្រូវបានប្រើប្រាស់ដោយផ្ទាល់ ឬដោយប្រយោលក្នុងការផ្តល់សេវាកម្មទូទាត់ប្រាក់តាមអេឡិចត្រូនិកនោះទេ ហើយពួកគេនឹងមិនអាចផ្តល់សេវាកម្មណាមួយដែលទាក់ទងនឹងគំរូអាជីវកម្មបែបនេះបានទេ” ។
ធនាគារនេះបានបន្ថែមទៀតថា រូបិយប័ណ្ណគ្រីបតូ (cryptocurrencies) មិនស្ថិតនៅក្រោមការគ្រប់គ្រងពីបទបញ្ជា និងយន្តការត្រួតពិនិត្យណាមួយ ឬអាជ្ញាធរបទបញ្ញត្តិឡើយក្នុងចំណោមហានិភ័យសន្តិសុខជាច្រើនផ្សេងទៀតនោះ។ CBRT និយាយផងដែរថា ការប្រើប្រាស់រូបិយប័ណ្ណគ្រីបតូ (cryptocurrencies) អាចនាំឱ្យមានការខូចខាតជាច្រើនដែលមិនអាចពន្យល់បាននោះទេ៕
សម្រួល៖ សុផា
