នាយកប្រតិបត្តិក្រុមហ៊ុន PayPal ដ៏ធំរបស់សហរដ្ឋអាមេរិកគ្រោងនឹងបង្កើតកាបូបរូបិយប័ណ្ណ (Wallet) នៅក្នុងប្រទេសចិនសម្រាប់ធ្វើការទូទាត់ប្រាក់ ហើយក្រុមហ៊ុនមិនមានបំណងក្នុងការប្រកួតប្រជែងជាមួយក្រុមហ៊ុនរូបិយប័ណ្ណផ្សេងទៀតក្នុងប្រទេសនេះទេ។
លោកស្រី Qiu បានថ្លែងនៅក្នុងវេទិកា Boao Forum for Asia ថាទីផ្សារក្រៅប្រទេសរបស់ PayPal មានបណ្តាញធំមួយដែលមានក្រុមហ៊ុនសហគ្រាសជាង ២០ លាន និងអ្នកប្រើប្រាស់ជាង ៣៧៧ លាននាក់។ លោកស្រីបានបន្ថែមទៀតថា អាជីវកម្មសំខាន់របស់ក្រុមហ៊ុននៅពេលនេះគឺជួយក្រុមហ៊ុនចិនខ្នាតតូច និងមធ្យមអោយលក់ទំនិញទៅបរទេសកាន់តែមានប្រសិទ្ធភាព និងងាយស្រួលហើយបន្ទាប់មកជួយអ្នកលក់ទាំងនោះឱ្យទទួលបានប្រាក់ត្រឡប់មកវិញយ៉ាងងាយស្រួល។
នាយកប្រតិបត្តិរូបនេះនិយាយថា PayPal នឹងមិនប្រកួតប្រជែងជាមួយ Alipay និង WeChat Pay (ដែលមានចំនួនសរុប ៩៤ ភាគរយនៃទីផ្សារទូទាត់ប្រាក់តាមទូរស័ព្ទក្នុងប្រទេសចិន)នោះទេ ប៉ុន្តែក្រុមហ៊ុននឹងសហការជាមួយពួកគេវិញ។ នៅក្នុងខែមករានេះ ក្រុមហ៊ុន PayPal បានទិញយក GoPay របស់ចិននជាមួយនឹងសិទ្ធិគ្រប់គ្រង ១០០% ។ ដូច្នេះ PayPal បានក្លាយជាក្រុមហ៊ុនបរទេសដំបូងគេដែលទទួលបានសិទ្ធិផ្តល់សេវាកម្មទូទាត់ប្រាក់ដំបូងគេនៅក្នុងប្រទេសចិន៕
