អ្នកស្រាវជ្រាវលើអ៊ីនធឺរណិតបានរកឃើញកម្មវិធីថ្មីដែលមានគំនិតអាក្រក់នៅលើ Google Play ដែលវាកំពុងកំណត់គោលដៅជាប្រចាំលើអ្នកប្រើប្រាស់ប្រព័ន្ធប្រតិបត្តិការ Android និងការហេគលើសារជូនដំណឹង SMSដើម្បីបន្លំយកវិក័យប័ត្រ។
សូមបញ្ជាក់ផងដែរថា កម្មវិធីព្យាបាទទាំងនេះកំពុងកំណត់គោលដៅលើអ្នកប្រើប្រាស់នៅតំបន់អាស៊ីអាគ្នេយ៍និងឧបទ្វីបអារ៉ាប់។ប្រតិបត្តិករនៃកម្មវិធីដែលមានគំនិតអាក្រក់ទាំងនោះផ្តោតលើអ្នកប្រើប្រាស់ប្រព័ន្ធប្រតិបត្តិការ Android ហើយពួកគេបានកំណត់គោលដៅអ្នកប្រើប្រាស់ច្រើនជាងចំនួន ៧០០,០០០ នាក់រួចមកហើយ។យោងតាមរបាយការណ៍របស់ McaFee បញ្ជាក់ឲ្យដឹងថា កម្មវិធីព្យាបាទត្រូវគេដកចេញពីវេទិកាមុនពេលកម្មវិធីទាំងនោះត្រូវអ្នកវិភាគរកឃើញ។
អ្នកស្រាវជ្រាវបង្ហាញថាកម្មវិធីចំនួន០៩ដែលឆ្លងមេរោគមាន៖
-Keyboard Wallpaper
-PIP Photo Maker
-2021 Wallpaper and Keyboard
-Barber Prank Hair Dryer, Clipper, and Scissors
-Picture Editor
-PIP Camera
-Keyboard Wallpaper
-Pop Ringtones for Android
-Cool Girl Wallpaper/SubscribeSDK
ជាចុងក្រោយ អ្នកស្រាវជ្រាវបានណែនាំឱ្យអ្នកប្រើប្រាស់ត្រូវធ្វើការត្រួតពិនិត្យលើកម្មវិធីអនាមិកបែបនេះដើម្បីអាចការពារខ្លួន៕
ប្រែសម្រួល៖ ប៉ោក លក្ខិណា
ប្រភពព័ត៌មាន gbhackers ចុះផ្សាយថ្ងៃទី២២ ខែមេសា ឆ្នាំ២០២១
