QR Codes បច្ចុប្បន្ននេះក៏ប្រើប្រាស់នៅក្នុងប្រព័ន្ធធនាគារ និងកម្មវិធីជាច្រើន ប៉ុន្តែ QR Codes ក៏អាចត្រូវបានប្រើប្រាស់ដោយហេគឃ័រក្នុងការបញ្ចូនមេរោគ Malware ការភ្ជាប់ទៅកាន់ Links ឬ URL ដែលមានគ្រោះថ្នាក់ ការខល ឬបញ្ជូនសារ ការចាប់យកទីតាំង និងហេគទៅលើប្រព័ន្ធបង់ប្រាក់នៃធនាគារថែមទៀត។
នេះគឺជាវិធីសាស្ត្រក្នុងការប្រើប្រាស់នូវ QR Codes ប្រកបដោយសុវត្ថិភាព៖
- បន្ទាប់ពីស្កេន QR Codes ប្រសិនបើមានសារណាមួយអោយបំពេញនូវព័ត៌មានសំខាន់ៗ និងលេខសម្ងាត់ នោះវាគឺជាកូដមេរោគហើយ!
- ឆែកមើលទៅលើ QR Codes នោះថាតំណាងអោយអ្វីមុនពេលធ្វើការស្កេន
- កុំស្កេន QR Codes ដែលអ្នកទទួលបានពីអ៊ីម៉ែល ព្រោះវាបញ្ជូនមកពីហេគឃ័រ
- កុំស្កេន QR Codes ណាដែលព្រីនឡើងវិញ ឬបិទបន្ថែមនូវ QR Codes ពីលើឯកសារដើម
ដូចនេះ ការគំរាមគំហែងតាមរយៈ QR Codes គឺមានការកើនឡើងពីមួយថ្ងៃទៅមួយថ្ងៃ ហើយហេគឃ័រក៏ប្រើប្រាស់នូវវិធីសាស្ត្រផ្សេងៗដើម្បីលួចទិន្នន័យសំខាន់ៗចេញពីឧបករណ៍របស់អ្នកផងដែរ សូមមានការប្រុងប្រយ័ត្នអោយបានខ្ពស់បំផុត៕
