ក្រុមហ៊ុនបច្ចេកវិទ្យារបស់សហរដ្ឋអាមេរិក Google និងសាកលវិទ្យាល័យ Tel Aviv University (TAU) របស់ប្រទេសអ៊ីស្រាអែល នៅថ្ងៃអង្គារ ទី២៧ ខែមេសា បានសហការគ្នាក្នុងការចាប់ផ្តើមផលិតកម្មវិធីរួមគ្នាមួយ ដែលជាការលើកកម្ពស់ដល់កិច្ចការស្រាវជ្រាវពហុជំនាញដោយការប្រើបញ្ញាសិប្បនិម្មិត (AI) ។
កម្មវិធីនោះបង្កើតឡើងដោយមានគោលបំណងសំខាន់ក្នុងការគាំទ្រដល់កិច្ចការស្រាវជ្រាវនិងការសហការគ្នានៅក្នុងបច្ចេកវិទ្យា AI និងវិទ្យាសាស្ត្រទិន្នន័យ ដោយវាជាចំណែកមួយជួយដោះស្រាយបញ្ហាសង្គមសំខាន់ៗដែលមនុស្សជាតិកំពុងប្រឈមមុខ។
កម្មវិធីដែលផលិតមកមានរយៈពេល៣ឆ្នាំមកហើយត្រូវបានប្រកាសជាសាធារណៈនៅឯពិធីមួយក្នុងសាកលវិទ្យាល័យ TAU ហើយថែមទាំងបានប្រកាសថា គម្រោងនេះមានចំនួន១០ក្នុងចំណោមសំណើរគម្រោងចំនួន២៧ដែលបានដាក់ជូនទៅគណៈគ្រប់គ្រងកម្មវិធីរួមរបស់សាកលវិទ្យាល័យ និងក្រុមហ៊ុន Google ដោយក្នុងនោះមានគម្រោងចំនួន០៧ទទួលបានការគាំទ្រពេញលេញពីក្រុមហ៊ុន Google។
គម្រោងទាំងនោះផ្តោតលើទិដ្ឋភាពផ្សេងៗគ្នានៅក្នុងកម្មវិធី AI ដើម្បីភាពល្អប្រសើរក្នុងសង្គម (AI for social good)។ ផ្នែកផ្សេងៗទាំងនោះរួមមាន៖អ្នកស្រាវជ្រាវជាច្រើនមកពីសួនសត្វ វិទ្យាសាស្ត្រ វិស្វកម្ម សេដ្ឋកិច្ច ស្ថិតិ បញ្ហាទំនាក់ទំនង ការសិក្សា ការសិក្សាព្រះគម្ពីរ វិទ្យាសាស្ត្រ ផែនដី វិទ្យាសាស្ត្រកុំព្យួទ័រ សង្គមវិទ្យា និងនរវិទ្យា។
ជាចុងក្រោយ សាកលវិទ្យាល័យ TAU បញ្ជាក់បន្ថែមថា ការបណ្តាក់ទុនរួមគ្នានេះក៏នឹងមានបើកសិក្ខាសាលារួមគ្នាស្តីពីការរៀនពីម៉ាស៊ីន (ម៉ាស៊ីន AI ) ផងដែរ៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៨ ខែមេសា ឆ្នាំ២០២១
