នៅថ្ងៃទី 03 ខែឧសភានេះ ក្រុមអ្នកជំនាញផ្នែកសុវត្ថិភាពទម្លាយថា ក្រុមហេគឃ័រចាប់ផ្តើមចែកចាយមេរោគ ZLoader និង Quakbot malware តាមរយៈ Excel 4.0 macro ។ អ្នកជំនាញនេះនិយាយថា Excel4 (XLM) macro នេះប្រើប្រាស់នូវភាសាស្គ្រីបដែលប្រើប្រាស់តាំងពីឆ្នាំ 1992 មកម្ល៉េះ។
អ្នកជំនាញសុវត្ថិភាពបានធ្វើការឆែកមើលនៅលើឯកសារ Excel 4.0 ចំនួន 160,000 ចាប់ពីខែវិច្ឆិកា ឆ្នាំ 2020 ដល់ខែមីនា ឆ្នាំ 2021 នេះហើយពួកគេរកឃើញថា ឯកសារជាង 90% គឺមានមេរោគ malware ។ សម្រាប់ Excel macro គឺជាមធ្យោបាយដែលហេគឃ័រនៅតែវាយប្រហារព្រោះវាអាចចូលទៅកាន់មុខងារជាច្រើននៅលើប្រព័ន្ធប្រតិបត្តិការ OS ។
គួរបញ្ជាក់ផងដែរថា នេះមិនមែនជាលើកទី 1 នោះទេដែលហេគឃ័រប្រើប្រាស់នូវ Excel 4.0 ដើម្បីចែកចាយមេរោគនោះ។ ដូចនេះសូមមានការប្រុងប្រយ័ត្ននៅពេលដែលធ្វើការដោនឡូតនូវ XLM macro នៅលើអ៊ីនធឺរណិត ឬចុចបើកដំណើរការ Enable ទៅលើ XLM macro នេះ៕
ប្រភព៖ https://gbhackers.com/hackers-abuse-excel-4-0-macros/
