ភ្នាក់ងារសហរដ្ឋអាមេរិកសម្រាប់ប្រព័ន្ធផ្សព្វផ្សាយសកល (USAGM) បង្ហាញពីការបំពានទិន្នន័យមួយដែលលាតត្រដាងព័ត៌មានផ្ទាល់ខ្លួនរបស់និយោជិកបច្ចុប្បន្ននិងអតីតបុគ្គលិករួមទាំងភាគីពាក់ព័ន្ធផលប្រយោជន៍ជាមួយនឹងក្រុមហ៊ុននោះ។
ភ្នាក់ងារ USAGM គឺជាទីភ្នាក់ងាររដ្ឋាភិបាលអាមេរិកដែលមានបេសកកម្មដើម្បីផ្តល់ព័ត៌មាន ផ្តល់ការចូលរួម និងភ្ជាប់ទៅកាន់ប្រជាជននៅជុំវិញពិភពលោកនៅប្រតិបត្តិការគាំទ្រសេរីភាព និងប្រជាធិបតេយ្យ។ ក្រុមហ៊ុន USAGM ជាប្រតិបត្តិករលើបណ្តាញផ្សាយមួយចំនួនដូចជាសម្លេងសហរដ្ឋអាមេរិក វិទ្យុសេរី ការិយាល័យផ្សាយរបស់គុយបា វិទ្យុអាស៊ីសេរី និងបណ្តាញផ្សាយព័ត៌មានមជ្ឈឹមបូព៌ាដើម្បីផ្តល់ដំណឹង និងព័ត៌មានដល់ប្រជាជននៅទូទាំងពិភពលោក។
ព័ត៌មានដែលលាតត្រដាងរួមមានឈ្មោះពេញ និងលេខសន្តិសុខសង្គមរបស់និយោជិក និងភាគីពាក់ព័ន្ធផលប្រយោជន៍ ដែលធ្លាប់បានបម្រើការងារចាប់ពីឆ្នាំ២០១៣ ដល់ឆ្នាំ២០២។ លោក Robinson ប្រាប់ភ្នាក់ងារព័ត៌មានថា សារជូនដំណឹងពីការបោកប្រាស់ទាំងនោះបានផ្ញើទៅឱ្យបុគ្គលិកបច្ចុប្បន្ននៅថ្ងៃទី១៣ ខែមេសា ឆ្នាំ២០២១ គឺ មានរយៈពេល៤ខែក្រោយពីភ្នាក់ងារអាក្រក់បានចូលមើលទិន្នន័យរួច។
ក្រុមហ៊ុន USAGM បញ្ជាក់ថា ក្រុមហ៊ុនក៏បានចាប់ផ្តើមការពារគណនីដែលរងផលប៉ះពាល់នៅពេលក្រុមហ៊ុនបានដឹងអំពីការបំពាន និងផ្តល់ការអប់រំដល់បុគ្គលិក។ ក្រុមហ៊ុនថែមទាំងបានចាប់ផ្តើមប្រើប្រាស់មុខងារការផ្ទៀងផ្ទាត់ភាពត្រឹមត្រូវពហុមុខងារ (MFA) សម្រាប់ គណនី Office 365, SharePoint, និង OneDrive accounts។
ការណែនាំនោះគឺសូមឲ្យអ្នកដែលរងផលប៉ះពាល់គួរតែប្រយ័ត្នចំពោះការឆបោកដែលអាចកើតមានតាមរយៈការប្រើប្រាស់ទិន្នន័យដែលហេគឃ័រលួចបានយកទៅព្រមាន និងគួរជូនដំណឹងដល់សមាជិកគ្រួសាររបស់ពួកគេឱ្យមានការប្រុងប្រយ័ត្នផងដែរ៕
ប្រែសម្រួល៖ ប៉ោក លក្ខិណា
ប្រភពព័ត៌មាន bleepcomputer ចុះផ្សាយថ្ងៃទី០៤ ខែឧសភា ឆ្នាំ២០២១
