អ្នកស្រាវជ្រាវបានរកឃើញ ភ្នាក់ងារមេរោគ Linux ដែលលាក់ខ្លួននៅក្នុងដំណើរការ eCommerce។ មេរោគនោះមានឈ្មោះថា linux_avp ហើយវាត្រូវបានគេរកឃើញថាកំពុងលាក់ខ្លួននៅក្នុងប្រព័ន្ធដំណើរការ។
មេរោគនេះធ្វើការវាយប្រហារពហុដំណាក់កាល ដែលបានដាក់ពង្រាយនៅទ្វាក្រោយដើម្បីផ្ទុក ហ្វាលមេរោគពីចម្ងាយ។ មេរោគត្រូវបានបង្កើតឡើងដើម្បីបញ្ចូលមេរោគ JavaScript ទៅ ក្នុងគេហទំព័រ និងទាញយកនូវទិន្ន័យរបស់អតិថិជនដូចជាកូដលុកចូល និងលេខសម្ងាត់។
គួររំលឹកផងដែរថា គេហទំព័រ E-commerce រងការកំណត់គោលដៅជាពិសេសក្នុងរដូវឈប់សម្រាក ដូច្នេះអ្នកគ្រប់គ្រងចាំបាច់ត្រូវតែត្រួតពិនិត្យលើគេហទំព័រទាំងនេះដើម្បីតាមដាន និងស្វែងរកការវាយប្រហារដែលអាចកើតមាន។ លើសពីនេះ អ្នកលក់រាយត្រូវការពារអតិថិជនរបស់ពួកគេ ដោយបង្ហាញឲ្យស្គាល់ពីមេរោគ និងកាត់បន្ថយហានិភ័យដែលអាចកើតមានទាំងនេះ៕
ប្រែសម្រួល៖ប៉ោក លក្ខិណា
ប្រភពព័ត៌មាន gbhackers ចុះផ្សាយថ្ងៃទី២៥ ខែវិច្ឆិកា ឆ្នាំ២០២១