កាលពីពេលថ្មីៗនេះ ក្រុមអ្នកជំនាញវិភាគការគំរាមកំហែងរបស់ក្រុមហ៊ុន Google (TAG) បានរកឃើញ និងទប់ស្កាត់មេរោគ (botnet) Glupteba ដែលបានចម្លងមេរោគចូលកុំព្យូទ័រ Windows ជិត 1លានគ្រឿងនៅទូទាំងពិភពលោក។ មេរោគនេះត្រូវបានរកឃើញនៅថ្ងៃអង្គារដោយក្រុមអ្នកជំនាញសន្តិសុខរបស់ក្រុមហ៊ុន Google។
ប៉ុន្តែខាង Hun Sen Kampong Tralach ដែលត្រូវចុះមុនគេ គាត់អត់ទាន់លើកទូរស័ព្ទទេដូច្នេះសូមថ្ងៃសៅរ៍ ឬអាទិត្យ លោកគ្រូទាក់ទងជូនដំណឹងគាត់ផង។
វាគឺជាការវាយប្រហារមេរោគដ៏ធំបំផុត ហើយអ្នកជំនាញកំពុងធ្វើការចង្អុលបង្ហាញថាអ្នកគំរាមកំហែងត្រូវតែមានប្រភពមកពីប្រទេសរុស្ស៊ី។ ដូច្នេះហើយទើបអ្នកជំនាញធ្វើការស៊ើបអង្កេតលើបញ្ហាទាំងមូលដើម្បីដឹងពីព័ត៌មានលម្អិតសំខាន់ៗទាំងអស់ ដែលមានជាប់ទាក់ទងនឹងការវាយប្រហារ។ លើសពីនេះទៅទៀត មេរោគ Glupteba ក៏ត្រូវបានគេប្រើនៅក្នុងការវាយប្រហារ cryptocurrencies ផងដែរ។
គេបានអះអាងថា ក្រុមហ៊ុន Google បានដាក់ដីកាឃាត់ខ្លួនបណ្ដោះអាសន្ន និងដាក់ពាក្យបណ្ដឹងប្រឆាំងនឹងជនជាប់ចោទរុស្ស៊ីពីរនាក់មានលោក Dmitry Starovikov និង Alexander Filippov ជាមួយនឹងមនុស្ស 15នាក់ផ្សេងទៀត ដែលមិនស្គាល់អត្តសញ្ញាណនៅក្នុងសង្កាត់ភាគខាងត្បូងនៃទីក្រុងញូវយ៉ក។
នៅក្នុងពាក្យបណ្តឹងបានបញ្ជាក់ថា គោលបំណងនៃការគំរាមកំហែងគឺដើម្បីលួចគណនីរបស់អ្នកប្រើប្រាស់ និងព័ត៌មានកាតឥណទាន។ ក្រៅពីនេះ មេរោគនោះធ្វើសកម្មភាពមួយចំនួនផ្សេងទៀតដូចជាលក់ការផ្សព្វផ្សាយពាណិជ្ជកម្ម ការចូលប្រើProxyនៅលើឧបករណ៍ដែលមានមេរោគ ធ្វើការវាយប្រហារ Mining សម្រាប់យុទ្ធនាគារ cryptocurrency នៅក្នុងកុំព្យូទ័រដែលរងផលប៉ះពាល់ និងធ្វើការបំពានលើសញ្ញាពាណិជ្ជកម្ម រួមទាំងធ្វើយុទ្ធនាការវាយប្រហារផ្សេងៗទៀតតាមអ៊ីនធឺរណិត។
ក្រុមហ៊ុន Google ថែមទាំងបានអះអាងថា ពួកគេបានធ្វើសកម្មភាពមួយចំនួនដើម្បីកាត់បន្ថយការគំរាមកំហែងដែលមានដូចជាបានលុបឯកសារច្រើនជាង 63លានហ្វាលចេញពីបណ្តាញ Google Docs របស់ខ្លួន និងបានលុបគណនីអ៊ីមែលជិត 1,100គណនី ដែលត្រូវបានប្រើប្រាស់ដោយអ្នកវាយប្រហារដើម្បីពង្រីកបណ្តាញមេរោគ Glupteba។ ក្រៅពីនេះ ក្រុមហ៊ុន Google ថែមទាំងបានខិតខំធ្វើការជាមួយអ្នកផ្តល់ហេដ្ឋារចនាសម្ព័ន្ធអ៊ីនធឺរណិតដើម្បីបញ្ឈប់មេរោគ (botnet) ប៉ុន្តែនៅក្នុងរបាយការណ៍បានប្រកាសថា ក្រុមហ៊ុនបានបញ្ឈប់ជា បណ្តោះអាសន្ននូវមេរោគ (botnet) ប៉ុណ្ណោះ។
ទោះបីជាយ៉ាងណាក៏ដោយអ្នកជំនាញបានព្យាយាមបំផុតក្នុងការបញ្ចៀសស្ថានភាពដែលមិនចង់បាននេះ ដូច្នេះហើយទើបក្រុមហ៊ុន Google បានជូនដំណឹងដល់បុគ្គលិកទាំងអស់របស់ខ្លួនឲ្យរក្សាការប្រុងប្រយ័ត្នពីការវាយប្រហារមេរោគប្រភេទនេះ៕
ប្រែសម្រួល៖ប៉ោក លក្ខិណា
ប្រភពព័ត៌មាន gbhackers ចុះផ្សាយថ្ងៃទី០៩ ខែធ្នូ ឆ្នាំ២០២១
