លោកអេឡុនម៉ាស (Elon Musk) ដែលជាអគ្គនាយកក្រុមហ៊ុន Tesla និងក្រុមហ៊ុន SpaceX ហើយបច្ចុប្បន្នគឺជាម្ចាស់ថ្មីនៃបណ្តាញសង្គម microblogging និងបណ្តាញសង្គម Twitter មានបំណងបន្ថែមមុខងារ End Encryption ទៅលើមុខងារផ្ញើសារផ្ទាល់ Direct Messages (E2EE) របស់បណ្តាញសង្គម Twitter។
លោកម៉ាសជឿថា វាពិតជាសំខាន់ណាស់នៅក្នុងការទទួលយកមុខងារ E2EE ដូចជាកម្មវិធី Signal ដើម្បីការពារការវាយប្រហារ ឬការហេគលើសាររបស់អ្នកប្រើប្រាស់ Twitter។ លោកថែមទាំងបានលើកឡើងថា កង្វះនៃមុខងារ E2EE សម្រាប់មុខងារផ្ញើសារផ្ទាល់របស់ Twitter បណ្តាលឱ្យមានការព្រួយបារម្ភណ៍សម្រាប់មូលដ្ឋានដំបូងនៃគ្រឿងអេឡិចត្រូនិក ក្នុងការបំផ្លាញសុវត្ថិភាពអ្នកប្រើប្រាស់ ឬឯកជនភាព ពីព្រោះអ្នកគ្រប់គ្រងលើ Twitter អាចចូលដំណើរការ និងប្រគល់វាទៅរដ្ឋាភិបាល ឬភ្នាក់ងារអនុវត្តច្បាប់។
លោកម៉ាស កាលពីពេលថ្មីៗនេះបានផ្តោតសំខាន់ចំពោះអ្នកប្រើប្រាស់អនាមិកនៅលើវេទិកា ហើយបានផ្តល់អនុសាសន៍ថា អ្នកប្រើប្រាស់បណ្តាញសង្គម Twitter គួរតែផ្ទៀងផ្ទាត់ភាពត្រឹមត្រូវបញ្ជាក់ពីមនុស្សពិតទាំងអស់។ លោកថែមទាំងបានលើកឡើងអំពីការផ្តូរដំណើរការផ្ទៀងផ្ទាត់ ដោយគណនីទទួលបានសញ្ញាធីកពណ៌ខៀវនៅជាប់ឈ្មោះរបស់ពួកគេដើម្បីបញ្ជាក់ថាពួកគេត្រូវបានផ្ទៀងផ្ទាត់រួចរាល់។ មេរោគ Botnets និងការត្រូលបង្អាប់ បានក្លាយជាបញ្ហាយូរអង្វែងសម្រាប់បណ្តាញសង្គម Twitter ប៉ុន្តែការទាមទារឱ្យអ្នកប្រើប្រាស់ផ្ញើអត្តសញ្ញាណដើម្បីបញ្ជាក់ថា អ្នកប្រើប្រាស់ជាមនុស្សពិត គឺវាជាការប្រឆាំងនឹងក្រមសីលធម៌របស់ក្រុមហ៊ុន។
ការផ្ញើសារដោយផ្ទាល់លើបណ្តាញសង្គម Twitter
ការផ្ញើសារដោយផ្ទាល់លើបណ្តាញសង្គម Twitter គឺរូបអ្នកប្រើប្រាស់គឺជាអ្នកអានសារនោះ នៅពេលដែលមានគេផ្ញើទៅអ្នកប្រើប្រាស់ ឬក្រុមហ៊ុន Twitterផ្ទាល់គឺជាអ្នកអាន។
យ៉ាងណាមិញ វាអាចបែកធ្លាយ ហើយការចូលប្រើខាងក្នុងអាចត្រូវបានបំពានដោយមេរោគរបស់ក្រុមហេគឃ័រ និងបុគ្គលិករបស់ក្រុមហ៊ុន Twitter។ វានឹងមានសុវត្ថិភាពប្រសិនបើ direct messages ត្រូវបានការពារដោយមុខងារ end-to-end encryption។ ដូចគ្នានេះផងដែរ វាចាំបាច់ក្នុងការផ្តល់ជូនអ្នកអភិវឌ្ឍន៍ភាគីទីបី និងអ្នកប្រើប្រាស់ ដើម្បីគ្រប់គ្រងបទពិសោធន៍របស់ពួកគេ។ កត្តានេះអាចធ្វើអោយប្រសើរឡើងនូវសុវត្ថិភាព និងសន្តិសុខរបស់អ្នកប្រើប្រាស់។
ផែនការបន្តរបស់លោកអេឡុនម៉ាសសម្រាប់ការលើកកម្ពស់គុណភាពនៅពេលអនាគត
លោកម៉ាសចង់ឱ្យបណ្តាញសង្គម Twitter មានភាពប្រសើរឡើង និងក្លាយជាវេទិកាកាន់តែសម្បូរបែបជាមួយនឹងមុខងារថ្មីៗមួយចំនួនឧទាហរណ៍ដូចជា ការដោះស្រាយលើប្រភពបើកចំហដើម្បីបង្កើនទំនុកចិត្តរបស់អ្នកប្រើប្រាស់ ការផ្ទៀងផ្ទាត់ថាអ្នកប្រើប្រាស់ជាមនុស្សពិត និងកម្ចាត់មេរោគប្រភេទ spambots ជាដើម។ លោកថែមទាំងជឿជាក់ថា បណ្តាញសង្គម Twitter គួរតែមានមុខងារប៉ូតុងកែ (Edit button) និងមានបំណងដាក់ឱ្យមានប៉ូតុងនោះនៅពេលឆាប់
ខាងមុខនេះ។ ការផ្លាស់ប្តូទំនងជាមានផលប៉ះពាល់ដល់អ្នកប្រើប្រាស់នៅពេលឆាប់នេះ។
អ្នកស្រាវជ្រាវនៅមន្ទី Stanford Internet Observatory លោក Riana Pfefferkorn និយាយថា៖ “សរុបមក មុខងារ end-to-end encryption សម្រាប់មុខងារផ្ញើសារផ្ទាល់ Direct Messages (E2EE) នឹងផ្តល់ផលចំណេញសុទ្ធសាធសម្រាប់ឯកជនភាព និងសុវត្ថិភាពរបស់អ្នកប្រើប្រាស់”៕
ប្រែសម្រួល៖ប៉ោក លក្ខិណា
ប្រភពព័ត៌មាន gbhackers ចុះផ្សាយថ្ងៃទី០៣ ខែឧសភា ឆ្នាំ២០២២
