ប្រទេសអ៊ីរ៉ង់៖តាមការបញ្ជាក់របស់ទីប្រឹក្សាប្រធានអង្គការការពារជនស៊ីវិលរបស់អ៊ីរ៉ង់កាលពីថ្ងៃសៅរ៍បានឱ្យដឹងថា ការវាយប្រហារសាយប័រសរុបចំនួន១២០ករណី ត្រូវបានធ្វើឡើងដើម្បីប្រឆាំងនឹងហេដ្ឋារចនាសម្ព័ន្ធរបស់ប្រទេសអ៊ីរ៉ង់នៅក្នុងរយៈពេល១៥ថ្ងៃចុងក្រោយ។
ភ្នាក់ងារសារព័ត៌មាន Fars ពាក់កណ្តាលផ្លូវការរបស់ប្រទេសអ៊ីរ៉ង់បានដកស្រង់សម្តីរបស់លោក Ali Akbar Shahverdian ដែលបាននិយាយនៅក្នុងសុន្ទរកថាទៅកាន់កិច្ចប្រជុំមួយនៅភាគនិរតីនៃប្រទេសអ៊ីរ៉ង់មានខ្លឹមសារថា ការវាយប្រហារភាគច្រើនបានសំដៅទៅលើបណ្តាញសេវាកម្មដើម្បីបង្កការមិនពេញចិត្តជាសាធារណៈ។
ជាចុងក្រោយ លោកបន្ថែមថា អង្គការរបស់លោកកំពុងរៀបចំផែនការការពារជនស៊ីវិលដ៏ទូលំទូលាយសម្រាប់ខេត្តមួយចំនួននៅក្នុងប្រទេសអ៊ីរ៉ង់ដើម្បីប្រឈមមុខនឹងការវាយប្រហារតាមអ៊ីនធឺណិត ដោយកិច្ចការពារមណ្ឌលខេត្តសំខាន់ៗត្រូវបានផ្តល់អាទិភាព៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី៣០ ខែតុលា ឆ្នាំ២០២២
