កុំព្យូទ័ររបស់អ្នកដំណើរការយឺត ប៉ុន្តែអ្នកអាចនឹងមិនយល់ថាវាកើតឡើងដោយកត្តាអ្វីខ្លះនោះទេ។ អ្នកអភិវឌ្ឍន៍ជាញឹកញាប់បញ្ចូលកម្មវិធី ឬឯកសារបន្ថែមជាមួយនឹងកម្មវិធី ឬកញ្ចប់ដំឡើងកម្មវិធីរបស់ពួកគេ។ ការបន្ថែមទាំងនោះរួមមាន៖
- Adware៖កម្មវិធីនេះបង្ហាញនូវការផ្សាយពាណិជ្ជកម្មដែលមិនចង់នៅលើបករណ៍របស់អ្នក ដែលជាធម្មតាវាលោតឡើង ឬបង្ហាញជាបដា។
- Toolbars៖កម្មវិធីបន្ថែមរបស់កម្មវិធីរុករកតាមអ៊ីនធឺណិតដែលតែងតែភ្ជាប់មកជាមួយកម្មវិធី។ ជាធម្មតា ពួកវាមានបន្ថែមមុខងារ ឬផ្លូវកាត់ (shortcuts) ទៅកាន់កម្មវិធីរុករក ប៉ុន្តែវាអាចធ្វើឱ្យកម្មវិធីរុករកយឺត ឬអាចប្រមូលយកទិន្នន័យរបស់អ្នកផងដែរ។
- Browser extensions៖វាគឺដូចជាToolbarsដែរ ប៉ុន្តែត្រូវដាក់បញ្ចូលទៅក្នុងកម្មវិធីរុករក ហើយអាចផ្តល់នូវមុខងារបន្ថែម។
- Trial software៖កញ្ចប់កម្មវិធីមួយចំនួនមានបន្ថែមជាមួយកំណែសាកល្បងនៃកម្មវិធីកម្មវិធីផ្សេងទៀត ដោយសង្ឃឹមថា អ្នកប្រើប្រាស់នឹងទិញកំណែពេញលេញ។
- Bloatware៖ កម្មវិធីនេះ វាមិនភាពចាំបាច់សម្រាប់អ្នកនៅក្នុងការប្រើកម្មវិធីនោះទេ ប៉ុន្តែយ៉ាងណាក៏ដោយ វាត្រូវបញ្ចូលបន្ថែមមកជាមួយកម្មវិធីដើម្បីផ្តល់នូវមុខងារផ្សេងៗទៀត ដែលអ្នកប្រហែលជាមិនត្រូវការ។
- Tracking software៖ កម្មវិធីមួយចំនួនអាចនាំមកជាមួយកម្មវិធីតាមដានដែលប្រមូលទិន្នន័យអំពីអាកប្បកិរិយារបស់អ្នក ដូចជាប្រវត្តិរុករក សំណួរស្វែងរក ឬព័ត៌មានផ្ទាល់ខ្លួនផ្សេងទៀត។
នៅពេលដំឡើងកម្មវិធី អ្នកអាចឃើញជម្រើសនៃការដំឡើងផ្សេងៗគ្នា ដូចជាការរើសយក ការដំឡើងរហ័ស ការណែនាំ និងការដំឡើងផ្ទាល់ខ្លួន។ ក្រោយមកទៀត អាចមានស្លាកលោតបង្ហាញថា ការដំឡើងកម្រិតខ្ពស់សម្រាប់អ្នកប្រើប្រាស់កម្រិតខ្ពស់។
ដោយសារតែអ្នកប្រើប្រាស់ភាគច្រើនច្រើនមិនចាត់ទុកខ្លួនឯងថាជាអ្នកប្រើប្រាស់ “កម្រិតខ្ពស់” នោះទេ ដូច្នេះពួកគេនឹងជ្រើសរើសជម្រើសសាមញ្ញ ឬដែលណែនាំ ហើយក្រោយមកទុកឱ្យកម្មវិធីទាំងនោះចាត់ចែងដំឡើងតាមការកំណត់។ កម្មវិធីមួយចំនួនផ្លាស់ប្តូរការកំណត់លំនាំដើម (default settings) កម្មវិធីរុករកតាមអ៊ីនធឺណិត (browser) គេហទំព័រ (homepage) ឬម៉ាស៊ីនស្វែងរករបស់អ្នក។ អ្នកនឹងមិនមានជម្រើសក្នុងការរើសយក “មិនត្រូវការទេ។អរគុណ។” (no thanks) នៅក្នុងការដំឡើងរហ័ស ឬលំនាំដើម។ ជាចុងក្រោយ ការដំឡើងរហ័សអាចដាក់អ្នកចូលទៅក្នុងការប្រមូលទិន្នន័យ ធ្វើសមកាលកម្មទំនាក់ទំនងរបស់អ្នក ឬរួមបញ្ចូលការលុកលុយមួយចំនួនផ្សេងទៀតលើភាពឯកជន (Privacy)។ បើទោះបីជាអ្នកអាចផ្លាស់ប្តូរការកំណត់ទាំងនេះនៅពេលក្រោយ តែយ៉ាងណាវាជាការប្រសើរជាងនៅក្នុងការបដិសេធនៅដំណាក់កាលដំឡើងដំបូង។
លំណែនាំសម្រាប់ការដំឡើងកម្មវិធីនៅពេលក្រោយ
អ្នកត្រូវតែ រើសយក ផ្ទាល់ខ្លួន(custom) ឬកម្រិតខ្ពស់ (advanced option) សម្រាប់ការដំឡើងកម្មវិធីទាំងអស់។ ក្រៅពីការជ្រើសរើសហ្វូលដ័រគោលដៅ ឬដ្រាយ អ្នកអាចមានជម្រើសក្នុងការដោះធីកចេញពីប្រអប់សម្រាប់កម្មវិធីដែលអាចរើស និងការកំណត់ដែលអ្នកមិនចង់ឬត្រូវការ។ អានអ្វីៗគ្រប់យ៉ាងដោយប្រុងប្រយ័ត្ន ហើយគូសក្នុងប្រអប់រើសយកតាមតម្រូវការ។ សូមកុំបារម្ភអំពីការរញ៉េរញ៉ៃអ្វីទាំងអស់។ កម្មវិធីដំឡើងនឹងបញ្ចូលតែឯកសារចាំបាច់ដើម្បីដំណើរការកម្មវិធីមិនថាអ្នកជ្រើសរើសអ្វីនោះទេ។ វានឹងមិនមានការបន្ថែមនូវអ្វីដែលអ្នកមិនត្រូវការ ឬចង់នោះទេ។
សម្រាប់កម្មវិធីតូចៗ អ្នកអាចមានជម្រើសដើម្បីទាញយកកំណែចល័ត (portable version)។កម្មវិធីប្រភេទនេះមិនប្រើកម្មវិធីដំឡើងទេ។ ឯកសារទាំងអស់ដែលត្រូវការដើម្បីដំណើរការកម្មវិធីចល័តស្ថិតនៅក្នុងថតតែមួយ ដែលអ្នកអាចដាក់នៅកន្លែងណាមួយនៅលើប្រព័ន្ធរបស់អ្នក។ ក្រៅពីដំឡើងកម្មវិធីចល័ត ជាធម្មតាអ្នកទាញយកវាជាឯកសារ ZIP និងពន្លាវាទៅកាន់ថតឯកសារ ហើយដំណើរការហ្វាលឯកសារដែលអាចប្រតិបត្តិសម្រាប់កម្មវិធី។ ជាទូទៅពួកវាមានសុវត្ថិភាពក្នុងការទាញយកប្រសិនបើវាចេញពីប្រភពដែលទុកចិត្ត៕
ប្រភព foxnews ចុះផ្សាយថ្ងៃទី១២ ខែមីនា ឆ្នាំ២០២៣
