កាលពីថ្ងៃព្រហស្បតិ៍ ក្រុមហ៊ុន Microsoft Corp ប្រកាសថា ក្រុមហ៊ុនរបស់ខ្លួននឹងនាំយកថាមពលនៃ AI ជំនាន់ក្រោយទៅកាន់ឧបករណ៍ផលិតភាពនៅកន្លែងធ្វើការជាមួយនឹង Microsoft 365 Copilot។ បច្ចុប្បន្ននេះ នៅក្នុងការសាកល្បងជាមួយអតិថិជនពាណិជ្ជកម្មដែលជ្រើសរើស Copilot បញ្ចូលគ្នានូវថាមពលនៃគំរូភាសាធំ (LLMs) ជាមួយនឹងទិន្នន័យអាជីវកម្ម និងកម្មវិធី Microsoft 365 ដើម្បីបញ្ចេញភាពច្នៃប្រឌិត ដោះសោផលិតភាព និងបង្កើនជំនាញកម្រិតខ្ពស់។
អតិថិជននឹងទទួលបទពិសោធន៍ Microsoft 365 Copilot តាមពីរវិធី
Microsoft 365 Copilot មិនមែនគ្រាន់តែធ្វើការលើរឿងដដែលៗឱ្យល្អជាងមុននោះទេ។ វាគឺជាវិធីធ្វើការងារបែបថ្មីទាំងស្រុង។ Copilot នឹងធ្វើការជាមួយអតិថិជន Microsoft 365 តាមពីរវិធី៖
-ដំបូង វាត្រូវបង្កប់នៅក្នុងកម្មវិធី Microsoft 365 ដែលអ្នកកំពុងប្រើប្រាស់ជារៀងរាល់ថ្ងៃ មានដូចជាកម្មវិធី Word, Excel, PowerPoint, Outlook, Teams និងកម្មវិធីច្រើនផ្សេងទៀត។
-បច្ចុប្បន្ន ក្រុមហ៊ុនក៏ប្រកាសនូវបទពិសោធន៍ថ្មីទាំងស្រុងផងដែរនូវ Business Chat ។ Business Chat ដំណើរការនៅទូទាំង LLM កម្មវិធី Microsoft 365 និងកម្មវិធីប្រតិទិន អ៊ីមែល
ឆាតជជែក ឯកសារ ការប្រជុំ និងទំនាក់ទំនងរបស់អតិថិជនដើម្បីធ្វើរឿងដែលអ្នកមិនអាចធ្វើពីមុន។ ជាមួយនឹងការជម្រុញដោយប្រើភាសាបញ្ជាមានដូចជា “ប្រាប់ក្រុមរបស់ខ្ញុំពីរបៀបដែលយើងធ្វើបច្ចុប្បន្នភាពយុទ្ធសាស្រ្តផលិតផល” នោះ Business Chat នឹងបង្កើតសារបញ្ជាក់ពីស្ថានភាពដែលត្រូវធ្វើដោយផ្អែកលើការប្រជុំ អ៊ីមែល និងសារជជែកនៅពេលព្រឹក។
ជាមួយនឹង Copilot អតិថិជនតែងតែអាចគ្រប់គ្រងវា។ អតិថិជនអាចសម្រេចចិត្តនូវអ្វីដែលត្រូវរក្សាទុក កែប្រែ ឬបោះបង់។ ជាមួយនឹងឧបករណ៍ថ្មីនេះ អ្នកប្រើប្រាស់អាចមានភាពច្នៃប្រឌិតកាន់តែច្រើននៅក្នុងកម្មវិធី Word ការវិភាគកាន់តែច្រើននៅក្នុងកម្មវិធី Excel ការបញ្ចេញមតិកាន់តែច្រើននៅក្នុង PowerPoint រួមទាំងកាន់តែមានផលិតភាពនៅក្នុងកម្មវិធី Outlook និងកិច្ចសហការកាន់តែច្រើននៅក្នុងកម្មវិធី Team។
លោក Jared Spataro អនុប្រធានសាជីវកម្មកម្មវិធី Modern Work និង Business Applicationរបស់ក្រុមហ៊ុន Microsoft និយាយថា៖ “Copilot រួមបញ្ចូលគ្នានូវថាមពលនៃគំរូភាសាធំៗជាមួយនឹងទិន្នន័យ និងកម្មវិធីរបស់អ្នក ដើម្បីប្តូពាក្យរបស់អ្នកទៅជាឧបករណ៍ផលិតភាពដ៏មានឥទ្ធិពលបំផុតនៅលើភពផែនដី។ ដោយផ្អែកទៅលើខ្លឹមសារ និងបរិបទអាជីវកម្មរបស់អ្នក Copilot ផ្តល់នូវលទ្ធផលដែលពាក់ព័ន្ធ និងអាចធ្វើសកម្មភាព។ វាជាសហគ្រាសដែលត្រៀមខ្លួនរួចជាស្រេច ដោយបង្កើតឡើងតាមវិធីសាស្ត្រដ៏ទូលំទូលាយរបស់ក្រុមហ៊ុន Microsoft ចំពោះសុវត្ថិភាព ការអនុលោមតាមឯកជនភាព និង AI ប្រកបដោយការទទួលខុសត្រូវ។ Copilot គឺជាយុគសម័យថ្មីនៃកុំព្យូទ័រដែលនឹងផ្លាស់ប្តូរជាមូលដ្ឋាននូវរបៀបដែលយើងធ្វើការ។
របៀបរបបធ្វើការងារថ្មីទាំងស្រុង
Microsoft 365 Copilot ត្រូវបញ្ចូលទៅក្នុងកម្មវិធីដែលអ្នកប្រើប្រាស់ជារៀងរាល់ថ្ងៃ ដោយជួយឱ្យអ្នកប្រើប្រាស់ធ្វើការងារដោយរលូន និងជួយឱ្យអ្នកផ្តោតអារម្មណ៍កាន់តែច្រើនលើកិច្ចការដែលនៅនឹងដៃ និងកាត់បន្ថយការមមាញឹក។
-Copilot នៅក្នុងកម្មវិធី Word អាចឱ្យអ្នកសរសេរ សង្ខេប និងបង្កើតសិទ្ធ ជាមួយនឹងក្រុមការងារផ្សេងទៀត។
-Copilot នៅក្នុងកម្មវិធី PowerPoint ដំណើរការប្រកបដោយភាពច្នៃប្រឌិត ដោយបង្វែរគំនិតទៅជាបទបង្ហាញដែលរចនាតាមរយៈពាក្យបញ្ជាដោយប្រើភាសាបញ្ជា។
– Copilot នៅក្នុងកម្មវិធី Excel ជួយដោះសោការយល់ឃើញ កំណត់និន្នាការ ឬបង្កើតការមើលឃើញទិន្នន័យដែលមានជំនាញវិជ្ជាជីវៈ។
– Copilot នៅក្នុងកម្មវិធី Outlook អាចជួយសំយោគ និងគ្រប់គ្រងប្រអប់ទទួល ដើម្បីទុកពេលវេលាបន្ថែមទៀតសម្រាប់ការទំនាក់ទំនងជាក់ស្តែង។
– Copilot នៅក្នុងកម្មវិធី Teams ធ្វើឱ្យការប្រជុំកាន់តែមានផលិតភាពជាមួយការសង្ខេបពេលវេលាជាក់ស្តែង និងសកម្មភាពដោយផ្ទាល់នៅក្នុងបរិបទនៃការសន្ទនា។
– Copilot នៅក្នុងកម្មវិធី Power Platform នឹងជួយដល់អ្នកអភិវឌ្ឍន៍គ្រប់កម្រិតជំនាញទាំងអស់បង្កើនល្បឿន និងសម្រួលការអភិវឌ្ឍន៍ដោយប្រើឧបករណ៍ដោយចំណាយថ្លៃតិច( low-code tools) ជាមួយនឹងការណែនាំនូវសមត្ថភាពថ្មីពីរនៅក្នុង Power Apps និង Power Virtual Agents។
– Business Chat នឹងនាំមកនូវទិន្នន័យរួមគ្នាចេញពីឯកសារ បទបង្ហាញ អ៊ីមែល ប្រតិទិន កំណត់ចំណាំ និងទំនាក់ទំនង ដើម្បីជួយសង្ខេបការជជែក ការសរសេរអ៊ីមែល ស្វែងរកកាលបរិច្ឆេទសំខាន់ៗ ឬសូម្បីតែសរសេរផែនការដោយផ្អែកលើឯកសារគម្រោងផ្សេងៗទៀត។
ក្រុមហ៊ុន Microsoft បង្កើត Microsoft 365 Copilot ជាមួយនឹងការប្តេជ្ញាចិត្តដែលមានស្រាប់របស់ខ្លួនចំពោះសុវត្ថិភាពទិន្នន័យ និងភាពឯកជននៅក្នុងសហគ្រាស ដោយឈរលើគោលការណ៍ AI និងស្តង់ដារ AI ដែលមានទំនួលខុសត្រូវ និងការស្រាវជ្រាវអស់រយៈពេលជាច្រើនទសវត្សរ៍មកហើយ។ គំរូភាសាធំៗរបស់ Copilot មិនត្រូវបន្ថែមពីលើខ្លឹមសាររបស់អតិថិជន ឬនៅលើការបញ្ជាផ្ទាល់ខ្លួននោះទេ។ Microsoft 365 Copilot នឹងផ្តល់ AI ដែលត្រៀមរួចខ្លួនរួចជាស្រេចសម្រាប់សហគ្រាសនានា។
កាលពីដើមខែនេះ ក្រុមហ៊ុន Microsoft ធ្លាប់ប្រកាសថា Dynamics 365 Copilot ជា AI Copilot ដំបូងគេបង្អស់របស់ពិភពលោកដែលអាចប្រើទាំងនៅក្នុងប្រព័ន្ធ CRM និង ERP ដើម្បីនាំយក AI ជំនាន់ក្រោយទៅកាន់គ្រប់អាជីវកម្មគ្រប់ប្រភេទ។ ហើយឥឡូវនេះ Copilot នឹងបញ្ជូលទៅក្នុងកម្មវិធីផលិតភាពរបស់ក្រុមហ៊ុន Microsoft ទាំងអស់ដែលមានដូចជាកម្មវិធី Word, Excel, PowerPoint, Outlook, Teams, Microsoft Viva, Power Platform និងកម្មវិធីជាច្រើនផ្សេងទៀត។
ព័ត៌មានលម្អិតអំពីតម្លៃ និងអាជ្ញាប័ណ្ណនឹងត្រូវចែករំលែកក្នុងពេលឆាប់ៗនេះ។ Microsoft 365 Copilot ទទួលការសាកល្បងជាមួយអតិថិជនមួយក្រុមតូចរួចហើយ ដើម្បីទទួលមតិរិះគន់ដែលកែលម្អសមត្ថភាពបន្ថែម៕
ប្រភព៖ ក្រុមហ៊ុន Microsoft ចុះផ្សាយថ្ងៃទី១៦ ខែមីនា ឆ្នាំ២០២៣
