បន្ទាប់ពីមានការខិតខំរយៈពេលជាច្រើនឆ្នាំ ក្រុមហ៊ុន Instagram កំពុងអនុញ្ញាតឱ្យអ្នកប្រើប្រាស់បន្ថែមតំណភ្ជាប់ (Link) ច្រើនជាងមួយទៅលើទំព័រប្រវត្តិរូបរបស់ពួកគេ។នាយកប្រតិបត្តិក្រុមហ៊ុន Meta លោក Mark Zuckerberg ប្រកាសពីការផ្លាស់ប្តូរកាលពីថ្ងៃអង្គារតាមរយៈប៉ុស្តិ៍ផ្សាយរបស់គាត់។ គាត់និយាយថា ឥឡូវនេះអ្នកអាចបន្ថែម Link រហូតដល់ប្រាំនៅក្នុងគណនី Instagram របស់អ្នក។ វាប្រហែលជាលក្ខណៈពិសេសមួយដែលត្រូវស្នើសុំច្រើនបំផុតដែលក្រុមហ៊ុនទទួល។
អ្នកអាចបន្ថែមតំណភ្ជាប់ (Link) ទៅលើទម្រង់ Instagram របស់អ្នកដោយចុចលើប៊ូតុង “Edit profile” ដែលបង្ហាញនៅខាងលើស៊ុមរូបថត និងគំនួសពណ៌របស់អ្នក។ ជាមួយនឹងការផ្លាស់ ប្តូរសម្រាប់អ្នកប្រើប្រាស់ ក្រុមហ៊ុន Instagram នឹងផ្ញើសារជំរុញឱ្យអ្នកបន្ថែមតំណភ្ជាប់ជាច្រើន។ ផ្ទៃបង្ហាញរបស់ក្រុមហ៊ុន Meta ដែលត្រូវរចនាឡើងសម្រាប់ការបង្ហាញ Link គឺមិនមែនជាអ្វីដែលឆើតឆាយបំផុតដែលក្រុមហ៊ុនមិនធ្លាប់ចេញផ្សាយនោះទេ ប៉ុន្តែវាគឺជាមុខងារ។
ប្រសិនបើអ្នកដាក់ Link ច្រើនជាងមួយទៅលើ profile របស់អ្នក កម្មវិធី Instagram នឹងកាត់ចេញនូវតំណភ្ជាប់ទីមួយ ហើយបញ្ជាក់ចំនួនអ្នកតាមដាន។ ការចុចលើតំណ (link) ដំបូង បង្ហាញអេក្រង់ជ្រើសរើសដែលអនុញ្ញាតឱ្យអ្នកមើលឃើញ Link ទាំងអស់ក្នុងពេលតែមួយ។អ្នកដែលធ្លាប់ប្រើប្រាស់សេវាកម្មដូចជា Linktree ដើម្បីបញ្ជូនមនុស្សទៅកាន់ profiles សង្គមផ្សេងទៀតរបស់ពួកគេនឹងបន្តប្រើ Linktree ដដែល ដោយសារតែវេទិកាទាំងនោះផ្តល់នូវការផ្លាស់ប្ដូរតាមបំណងកាន់តែច្រើន និងអនុញ្ញាតឱ្យអ្នកបញ្ចូល Link ច្រើនជាងចំនួនប្រាំ៕
ប្រភព engadget ចុះផ្សាយថ្ងៃទី១៨ ខែមេសា ឆ្នាំ២០២៣
