បច្ចុប្បន្ននេះ នៅពេលដែលចំនួនគណនី ChatGPT Premium ដែលត្រូវលួចកាន់តែច្រើនត្រូវគេជួញដូរ ឧក្រិដ្ឋជនតាមអ៊ីនធឺណិតអាចគេចផុតពីការរឹតបន្តឹងលើភូមិសាស្ត្ររបស់ក្រុមហ៊ុន OpenAI និងទទួលសិទ្ធិចូលប្រើប្រាស់ដែលមិនមានការរឹតបន្តឹងទៅកាន់គណនី ChatGPT នេះបើយោងតាមប្រភព Check Point Research (CPR)។
ទីផ្សាររីកចំរើនបំផុតមួយនៅក្នុងពិភពរបស់ក្រុមហេគឃ័រ និងនៅលើបណ្តាញងងឹត គឺជាការគ្រប់គ្រងគណនី (ATOs) ឬប្រើគណនីដែលលួចដើម្បីចូលទៅកាន់សេវាកម្ម អនឡាញ ផ្សេងៗ។ជាប្រវត្តិសាស្ត្រ ឧស្សាហកម្មនេះផ្តោតលើអ៊ីមែលដែលត្រូវលួច ប្រព័ន្ធផ្សព្វផ្សាយសង្គម គេហទំព័រណាត់ជួបតាមអ៊ីនធឺណិត និងគណនីសេវាកម្មហិរញ្ញវត្ថុ ធនាគារ ប្រព័ន្ធទូទាត់តាមអ៊ីនធឺណិតជាដើម។
ដែនកំណត់ Geofencing ត្រូវដាក់ដោយ ChatGPT ទៅលើការចូលទៅកាន់វេទិការបស់ខ្លួនពីប្រទេសជាក់លាក់ដូចជាប្រទេសអ៊ីរ៉ង់ ប្រទេសចិន និងប្រទេសរុស្ស៊ី។ ជារឿយៗ ឧក្រិដ្ឋជនតាមអ៊ីនធឺរណិតប្រើព័ត៌មានទាំងឡាយដែលថា អ្នកប្រើប្រាស់ប្រើពាក្យសម្ងាត់ ដូចគ្នាឡើងវិញនៅលើវេទិកាផ្សេងៗ។តួអង្គព្យាបាទរឹបអូសការគ្រប់គ្រងគណនីដោយគ្មានការយល់ព្រមពីម្ចាស់គណនីនៅក្នុងការកាន់កាប់ចុងក្រោយ។អ្នកស្រាវជ្រាវនិយាយថា គណនីទាំងនោះត្រូវលក់។ ទោះជាយ៉ាងណាក៏ដោយតួអង្គមួយ ចំនួនក៏ចែកចាយគណនីបុព្វលាភ ChatGPT ដែលលួចដោយឥតគិតថ្លៃ ដើម្បីផ្សព្វផ្សាយសេវាកម្ម ឬឧបករណ៍របស់ពួកគេដើម្បីលួចពួកគេ។
ជាញឹកញាប់ ឧក្រិដ្ឋជនតាមអ៊ីនធឺណិតក៏ប្រើឧបករណ៍នេះដើម្បីធ្វើការវាយប្រហារយកព័ត៌មានសម្ងាត់ និងការត្រួតពិនិត្យគណនីប្រឆាំងនឹងវេបសាយផ្សេងៗគ្នា និងលួច គណនីសម្រាប់វេទិកាអនឡាញជាច្រើន។ឧក្រិដ្ឋជនតាមអ៊ីនធឺណិតផ្សេងទៀតដែលហៅខ្លួនគាត់ថា “gpt4” ផ្តោតតែលើការក្លែង បន្លំ និងការបំពានលើផលិតផល ChatGPT។ គាត់ផ្សាយពាណិជ្ជកម្មគណនី ChatGPT សម្រាប់លក់នៅក្នុងកញ្ចប់សេវារបស់គាត់រួមជាមួយនឹងការដំឡើងសម្រាប់ឧបករណ៍ស្វ័យ ប្រវត្តិមួយផ្សេងទៀតដែលផ្ទៀងផ្ទាត់អត្តសញ្ញាណ។ឧក្រិដ្ឋជនអនឡាញដែលនិយាយភាសាអង់គ្លេសចាប់ផ្តើមផ្សព្វផ្សាយ សេវាកម្មគណនី ពេញមួយជីវិតរបស់ ChatGPT Plus នៅថ្ងៃទី20 ខែមីនា ដោយធានានូវការពេញចិត្តទាំងស្រុង សម្រាប់អតិថិជន។
ទោះយ៉ាងណាក៏ដោយ ដើម្បីកាត់បន្ថយការចំណាយ អ្នកស្រាវជ្រាវពន្យល់ថា សេវាកម្មក្លែងបន្លំនេះក៏ផ្តល់ជម្រើសក្នុងការចែករំលែកការចូលប្រើគណនី ChatGPT ជាមួយឧក្រិដ្ឋជនតាមអ៊ីនធឺរណិតផ្សេងទៀតក្នុងតម្លៃ $24.99 ពេញមួយជីវិត៕
ប្រភពព័ត៌មាន gbhackers ចុះផ្សាយថ្ងៃទី១៧ ខែមេសា ឆ្នាំ២០២៣