កម្មវិធី Android មិនតិចជាង៦០ ០០០កម្មវិធីបានដំឡើងមេរោគនៅលើឧបករណ៍ជាច្រើន

June 12, 2023

កាលពីពេលថ្មីៗនេះ អ្នកស្រាវជ្រាវសន្តិសុខសាយប័របានរកឃើញថា កម្មវិធី Android មិនតិចជាង ៦០ ០០០កម្មវិធី ត្រូវបានគេក្លែងបន្លំជាកម្មវិធីពិតប្រាកដសម្រាប់រយៈពេលប្រាំមួយខែកន្លងមកនេះ។ អ្នកស្រាវជ្រាវកំណត់អត្តសញ្ញាណថា កម្មវិធីព្យាបាទទាំងនេះបាននិងកំពុងដាក់បញ្ចូល Adware ដោយសម្ងាត់ទៅលើឧបករណ៍ចល័តដែលមិនមានការសង្ស័យដោយពុំមានការចាប់សញ្ញាបាន។ តាមរយៈការប្រើប្រាស់មុខងាររកឃើញភាពមិនប្រក្រតីដែលរួមបញ្ចូលទៅក្នុងកម្មវិធី Bitdefender Mobile Security របស់ខ្លួនកាលពីមួយខែមុន ក្រុមអ្នកស្រាវជ្រាវ Bitdefender បានកំណត់អត្តសញ្ញាណកម្មវិធីព្យាបាទយ៉ាងមានប្រសិទ្ធភាព។

ការចែកចាយនៃយុទ្ធនាការនេះ ដែលត្រូវបានគេសង្ស័យថាបានចាប់ផ្តើមកាលពីខែតុលា ឆ្នាំ 2022 មានទម្រង់ផ្សេងៗគ្នា ក្នុងនោះរួមមាន កម្មវិធីសុវត្ថិភាពក្លែងក្លាយ, ការក្លែងបន្លំ, កម្មវិធី VPN ក្លែងក្លាយ, កម្មវិធី Netflix ក្លែងក្លាយ, កម្មវិធីប្រើប្រាស់ក្លែងក្លាយនៅលើគេហទំព័រភាគីទីបី, ការបង្រៀនក្លែងក្លាយ, YouTube/TikTok ដោយគ្មានពាណិជ្ជកម្ម និងវីដេអូក្លែងក្លាយជាដើម។ មេរោគនេះបង្ហាញខ្លួនជាយុទ្ធសាស្ត្រនៅពេលដែលអ្នកប្រើប្រាស់ស្វែងរកកម្មវិធី កំណែអាប់ដេត ការក្រេក និងសម្ភារៈដែលពាក់ព័ន្ធ ដោយជួយសម្រួលដល់គំរូចែកមុខងារនានា។

យុទ្ធនាការមេរោគនេះបានកំណត់គោលដៅអ្នកប្រើប្រាស់មកពីប្រទេសមួយចំនួនរួមមានសហរដ្ឋអាមេរិក ប្រទេសកូរ៉េខាងត្បូង ប្រទេសប្រេស៊ីល ប្រទេសអាល្លឺម៉ង់ ចក្រភពអង់គ្លេស និងប្រទេសបារាំង។នៅពេលដាក់ឱ្យប្រើប្រាស់ កម្មវិធីនឹងបង្កើតតំណភ្ជាប់ទៅកាន់ម៉ាស៊ីនមេ ដែលស្ថិតនៅក្រោមការគ្រប់គ្រងរបស់អ្នកវាយប្រហារ។ ចេញពីម៉ាស៊ីនមេទាំងនេះ វានឹងចាប់ផ្តើមទាញយក URLs ផ្សាយពាណិជ្ជកម្ម ដែលនឹងត្រូវបានបង្ហាញនៅក្នុង Mobile browser និងការផ្សាយពាណិជ្ជកម្ម WebView ពេញអេក្រង់។ ខណៈពេលដែលមុខងារសំខាន់របស់កម្មវិធីព្យាបាទបច្ចុប្បន្នស្ថិតនៅក្នុងការបង្ហាញការផ្សាយពាណិជ្ជកម្ម អ្នកស្រាវជ្រាវបានព្រមានថា តួអង្គគំរាមកំហែងអាចជំនួស URLs របស់ Adware បានយ៉ាងងាយស្រួលជាមួយនឹងគេហទំព័រដែលមានលក្ខណៈគំរាមកំហែងជាងមុន។

ដូម៉េនមេរោគដែលក្រុមអ្នកស្រាវជ្រាវរកឃើញមានដូចខាងក្រោម៖