របាយការណ៍កាលពីពេលថ្មីៗនេះពីនិន្នាការមេរោគ Malware របស់ក្រុមហ៊ុន VirusTotal គូសបញ្ជាក់ពីការកើនឡើងនៃការប្រើប្រាស់ប្រភេទឯកសារថ្មី និងយុទ្ធសាស្ត្រដើម្បីគេចពីការរកឃើញ។ ឯកសារភ្ជាប់អ៊ីម៉េល និងឯកសារហ្វាល PDF គួរឱ្យសង្ស័យគឺជាវិធីសាស្រ្តទូទៅបំផុតសម្រាប់ការរីករាលដាលនៃមេរោគ។
ឯកសារ PDF គួរឱ្យសង្ស័យកម្រិតខ្ពស់បំផុតត្រូវកត់ត្រាកាលពីខែមិថុនា ឆ្នាំ2023 ។ចំណែកឯ OneNote ក្លាយជាឧបករណ៍ជំនួសដ៏គួរឱ្យទុកចិត្តសម្រាប់ម៉ាក្រូនៅក្នុងកម្មវិធី Office និងឯកសារ ISO កំពុងត្រូវប្រើប្រាស់ដោយក្រុមហេគឃ័រដើម្បីផ្សព្វផ្សាយមេរោគទាំងនោះ។ កញ្ចប់ដំឡើងសម្រាប់កម្មវិធីផ្សេងៗដែលមានដូចជា Windows, Telegram, AnyDesk និង CryptoNotepad ត្រូវក្លែងធ្វើជាឯកសារ ISO ។
គេសង្កេតឃើញថា និន្នាការចែកចាយមេរោគកើនប្រជាប្រិយភាពចាប់តាំងពីឆ្នាំ2022 មកជាមួយនឹងឯកសារភ្ជាប់អ៊ីម៉េលកំពុងពេញនិយម។ អ្នកវាយប្រហារបញ្ជូលនូវផ្លូវចែកចាយដ៏ល្បីជាមួយនឹងទម្រង់ថ្មីដូចជាហ្វាល PDFs ដើម្បីទាញយកភាពងាយរងគ្រោះ ឬភ្ជាប់ទៅកាន់វេបសាយបន្លំ។ នៅឆ្នាំ2023 ទម្រង់ OneNote នឹងក្លាយជាទម្រង់ឯកសារភ្ជាប់ថ្មីដ៏មានឥទ្ធិពលបំផុត ដែលអនុញ្ញាតឱ្យអ្នកវាយប្រហារបញ្ចូល URL ព្យាបាទ និងភាសាស្គ្រីប។ ភាពប្រែប្រួលនេះធ្វើឱ្យ OneNote ក្លាយជាការជំនួសដ៏គួរឱ្យទុកចិត្តសម្រាប់ម៉ាក្រូប្រពៃណីនៅក្នុងផលិតផល Office ។ឧស្សាហកម្មសុវត្ថិភាពត្រូវតែដោះស្រាយដោយតម្រូវឱ្យពិនិត្យទម្រង់ឯកសារ (file formats) សម្រាប់បញ្ជូនមេរោគ និងតាមដាននិន្នាការមេរោគឱ្យសកម្ម។ អ្នកត្រូវតែត្រួតពិនិត្យមើលវេបសាយស្របច្បាប់ និងវិភាគកំណត់ហេតុពីវេបសាយដែលអនុញ្ញាត ចៀសវាងផ្តោតតែលើចរាចរណ៍ខុសប្រក្រតី៕
ប្រភព gbhackers ចុះផ្សាយថ្ងៃទី27 ខែកក្កដា ឆ្នាំ2023
