ផ្លេតហ្វមប្រព័ន្ធផ្សព្វផ្សាយសង្គម X (អតីត Twitter) ឥឡូវនេះកំពុងតែបិទលីង “Signal.me” ដែលជា URL ផ្ញើសារ Signal Encrypted សម្រាប់ចែករំលែកព័ត៌មានគណនីរបស់អ្នកជាមួយនឹងអ្នកដទៃទៀត។
យោងតាមការតេស្តសាកល្បងរបស់ BleepingComputer និងរបាយការណ៍របស់អ្នកប្រើប្រាស់ផ្សេងទៀតបានឱ្យដឹងថា គោលបំណងបង្ហោះលីង Signal.com តាមរយៈការបង្ហោះជាសាធារណៈ ការផ្ញើសារដោយផ្ទាល់ (direct messages) ឬ Profile Bios ទទួលសារ Error ដែលលើកឡើងពីគ្រោះថ្នាក់នៃការឆបោក ឬមេរោគ។ នៅក្នុងសារបានបង្ហាញថា សំណើនេះមើលទៅទំនងជាត្រូវបានផ្ញើដោយស្វ័យប្រវត្តិ។ ដើម្បីការពារអ្នកប្រើរបស់ក្រុមហ៊ុនពីការឆបោក និងសកម្មភាពព្យាបាទផ្សេងៗ ក្រុមហ៊ុនមិនអាចដោះស្រាយបញ្ហានេះនៅពេលឥឡូវនេះបានទេ។ សូមព្យាយាមម្តងទៀត។ ដូចការបង្ហាញខាងក្រោម សារដែលមានផ្ទុក URL “signal.com” កំពុងតែត្រូវបានរារាំង។
អ្នកសារព័ត៌មាន Matt Binder ជាអ្នករាយការណ៍ដំបូងពីបញ្ហានេះ ថ្លែងថា វាមិនច្បាស់ថាពេលណាបញ្ហានេះកើតឡើងនៅលើផ្លេតហ្វមនោះទេ។ ទោះជាយ៉ាងណា វាទំនងជាមានការផ្លាស់ប្តូរនៅពេលថ្មីៗនេះ នៅពេលអ្នកប្រើអាចរួមបញ្ចូលលីង “Signal.com” ទៅក្នុងការបង្ហោះជាសាធារណៈនៅក្នុង Profile Bio របស់ពួកគេ។ លីង Signal ផ្សេងទៀតដូចជា Signal.org ដូចជាមិនត្រូវបានបិទនោះទេ។
URLs ដទៃទៀត ដែលជាប់ទាក់ទងនឹង Signal ដូចជាលីង Signal.link និង Signal.group ទំនងជាមិនរងប៉ះពាល់ទេ។ ជាងនេះទៀត លីងកុងត្រាផ្សេងទៀតសម្រាប់សេវាផ្ញើសារភាគីទីបីដូចជា Telegram អាចត្រូវបានចែកចាយជាធម្មតានៅលើផ្លេតហ្វម X។ ខណៈដែលលីង Signal.me ត្រូវបានបង្ហោះនៅលើ X មុនកម្មវិធីត្រូវបានបិទនោះនៅតែអាចចុចដំណើរការបាន។ ទោះជាយ៉ាងណា អ្នកប្រើនឹងឃើញការព្រមានថា លីងប្រហែលជាមិនមានសុវត្ថិភាពនៅពេលចុចលើលីង។
មូលហេតុនៅមិនទាន់ដឹង៖ លីង Signal.me គឺជា URLs តែមួយគត់ដែលបានបង្កើតដោយកម្មវិធីផ្ញើសារ Signal ដែលអនុញ្ញាតឱ្យអ្នកប្រើប្រាស់ចែករំលែកបញ្ជី Contact របស់ពួកគេជាមួយនឹងអ្នកផ្សេងទៀត ដូច្នេះពួកគេមានភាពងាយស្រួលក្នុងការទំនាក់ទំនងនៅលើ Signal។ លីងនេះធ្វើឱ្យវាមានភាពងាយស្រួលសម្រាប់អ្នកប្រើប្រាស់ទាក់ទងគ្នាដោយមិនចាំបាច់ផ្លាស់ប្តូរលេខទូរស័ព្ទ និងវារក្សាបាននូវឯកជនភាព ថែមទាំងសុវត្ថិភាពក្នុងការពិភាក្សាទៀតផង។ អ្នកស្រាវជ្រាវ Tommy Mysk ជាម្នាក់នៅក្នុងចំណោមអ្នករកឃើញបញ្ហានេះនៅសប្តាហ៍នេះបានប្រាប់ថា ហេតុផលនៅពីក្រោយសកម្មភាពនេះគឺមិនច្បាស់នៅឡើយទេនៅពេលនេះ។ លោកបានរកឃើញបញ្ហានេះដោយចៃដន្យ គាត់មិនអាចស្មានបានទេ ប៉ុន្តែបញ្ហានេះមើលទៅស្រដៀងគ្នានឹងការហាមឃាត់លីង Mastodon។
កាលពីឆ្នាំ២០២៣ បន្ទាប់ពីលោក Elon Musk បានទិញ Twitter ផ្លេតហ្វមប្រព័ន្ធផ្សព្វផ្សាយសង្គមបានចាប់ផ្តើមរារាំងលីងដែលចង់ប្រជែងនឹងផ្លេតហ្វមនេះដូចជា Facebook, Instagram និង Mastodon។ ហើយការហាមឃាត់នេះត្រូវបានដកចេញភ្លាមៗ បន្ទាប់ពីមានការតវ៉ាពីអ្នកប្រើប្រាស់។ នាពេលថ្មីៗនេះ លោក Musk បានប្រឈមនឹងការរិះគន់ពីរបៀបដែលគាត់ជាប្រធានក្រសួងប្រសិទ្ធភាពរដ្ឋាភិបាល (DOGE) បានទទួលទិន្នន័យពីទីភ្នាក់ងាររដ្ឋាភិបាលអាមេរិកមួយចំនួន។
Signal គឺជាកម្មវិធីទំនាក់ទំនង End-to-end encryption ដ៏ពេញនិយម និងត្រូវបានប្រើយ៉ាងទូលំទូលាយដោយបុគ្គលិកសហព័ន្ធសម្រាប់រាយការណ៍អំពើហិង្សារបស់ DOGE ទៅកាន់អ្នកកាសែត។ ដូច្នេះ មានការរំពឹងថា លីង Signal.me រារាំងនៅលើ X ពាក់ព័ន្ធនឹងរឿងនយោបាយ។ ទោះជាយ៉ាងណា X មិនបានធ្វើសេចក្តីថ្លែងការណ៍អំពីការបិទខ្ទប់ ឬឆ្លើយតបនឹងបញ្ហានេះនៅឡើយទេ។
ប្រភពព័ត៌មាន៖ ថ្ងៃទី១៧ ខែកុម្ភៈ ឆ្នាំ២០២៥
