ក្រុមហ៊ុន Apple នឹងមិនផ្តល់មុខងារ iCloud End-to-End Encryption បន្តនៅក្នុងប្រទេសអង់គ្លេសទៀតទេ បន្ទាប់ពីរដ្ឋាភិបាលបានស្នើសុំឱ្យ Backdoor ចូលប្រើទិន្នន័យក្លោដដែលបានអ៊ីនគ្រីបរបស់អតិថិជន Apple។
ក្រុមហ៊ុន Apple បានប្រាប់ BleepingComputer កាលពីថ្ងៃសុក្រថា មុខងារការពារទិន្នន័យឈានមុខ (ADP) ដែលបានណែនាំកាលពីចុងឆ្នាំ២០២២ នឹងមិនមានផ្តល់ជូនបន្តទៀតទេសម្រាប់អ្នកប្រើប្រាស់ថ្មីនៅក្នុងប្រទេសអង់គ្លេស ដោយនឹងអនុវត្តចាប់ពីពេលនេះតទៅ។ ការសម្រេចចិត្តនេះអនុលោមតាមបញ្ជាសម្ងាត់ចេញពីរដ្ឋាភិបាលអង់គ្លេសថា ក្រុមហ៊ុន Apple បង្កើត Backdoor ដែលគួរតែផ្តល់នូវការចូលប្រើប្រាស់ទិន្នន័យដោយមិនបាន Encrypt របស់អ្នកប្រើប្រាស់ Apple ទាំងឡាយនៅទូទាំងសកលលោក។
សារព័ត៌មាន BleepingComputer បានប្រាប់ថា ADP ការពារទិន្នន័យ iCloud ជាមួយនឹង End-to-End Encryption ដែលមានន័យថា ទិន្នន័យអាចត្រូវបានអ៊ីនគ្រីបដោយអ្នកប្រើប្រាស់ដែលជាម្ចាស់របស់ទិន្នន័យ និងនៅលើឧបករណ៍ដែលទុកចិត្តរបស់ពួកគេតែប៉ុណ្ណោះ។ ក្រុមហ៊ុនខកចិត្តណាស់ដែលការការពារផ្តល់ ADP នឹងមិនអាចស្វែងរកបាន នៅក្នុងប្រទេសអង់គ្លេស ដោយសារការកើនឡើងនៃការបំពានទិន្នន័យ និងការគំរាមកំហែងផ្សេងទៀតចំពោះឯកជនភាពរបស់អតិថិជន។
ការជំរុញផ្នែកសុវត្ថិភាពនៃការរក្សាទុកក្លោដជាមួយនឹងការ End-to-End Encryption គឺជារឿងដ៏បន្ទាន់ខុសពីរឿងពីមុនៗ។ ក្រុមហ៊ុន Apple នៅតែប្តេជ្ញាចិត្តក្នុងការផ្តល់ជូនអ្នកប្រើប្រាស់នូវសុវត្ថិភាពកម្រិតខ្ពស់សម្រាប់ទិន្នន័យផ្ទាល់ខ្លួន និងសង្ឃឹមថា ក្រុមហ៊ុននឹងអាចធ្វើរឿងនេះបានភ្លាមៗនៅពេលខាងមុខនេះនៅក្នុងប្រទេសអង់គ្លេស។ នៅលើទំព័រ “សំណើព័ត៌មានពីរដ្ឋាភិបាល” ក្រុមហ៊ុនថ្លែងថា ខ្លួនមិនបានបង្កើន Backdoor ឬ Master Key នៅលើផលិតផល ឬសេវាកម្មរបស់ខ្លួននោះទេ និងបានបញ្ជាក់ថា ក្រុមហ៊ុនមិនធ្លាប់អនុញ្ញាតឱ្យរដ្ឋាភិបាលណាមួយចូលដំណើរការដោយផ្ទាល់ទៅកាន់ម៉ាស៊ីនមេរបស់ក្រុមហ៊ុន Apple ឡើយ ហើយក៏នឹងគ្មានថ្ងៃធ្វើដូច្នោះដែរ។ ចំពោះការព្យាយាមចូលដំណើរការ និងបើកមុខងារនេះ អ្នកប្រើប្រាស់នឹងឃើញសារមួយសរសេរថា ក្រុមហ៊ុន Apple មិនអាចផ្តល់ការការពារទិន្នន័យឈានមុខ (ADP) បន្តទៀតបានទេ នៅក្នុងប្រទេសអង់គ្លេស សម្រាប់អ្នកប្រើប្រាស់ថ្មីនោះ។
ខណៈ ក្រុមហ៊ុនមិនអាចបិទ ADP សម្រាប់អ្នកប្រើ APD បច្ចុប្បន្ននៅក្នុងប្រទេសអង់គ្លេសបាននោះ ក្រុមហ៊ុននឹងបញ្ចប់មុខងារនេះ ដើម្បីរក្សាការប្រើប្រាស់គណនី iCloud របស់ពួកគេដែលប្រើការណែនាំដែលផ្តល់ដោយក្រុមហ៊ុន Apple នៅក្នុងរយៈពេលប៉ុន្មានថ្ងៃ ឬសប្តាហ៍ខាងមុខនេះ។ សេវាកម្មទំនាក់ទំនងរបស់ក្រុមហ៊ុន Apple (iMessage, FaceTime) Health និង iCloud Keychain Data នឹងនៅតែបន្តមុខងារ End-to-End Encrypted ដែលរួមមាននៅក្នុងប្រទេសអង់គ្លេសជាធម្មតា។ ក្រុមហ៊ុន Apple ថ្លែងថា មុខងារ ADP បន្តអាចប្រើប្រាស់បានចំពោះអតិថិជននៅទូទាំងសកលលោក ដែលអាចបើកវាបាន ដើម្បីធានាថា ទិន្នន័យ iCloud ដែលត្រូវបានអ៊ីនគ្រីបរបស់ពួកគេ អាចត្រូវបានអ៊ីនគ្រីបនៅលើឧបករណ៍ដែលទុកចិត្តតែមួយគត់។
ប្រភពព័ត៌មាន៖ ថ្ងៃទី២១ ខែកុម្ភៈ ឆ្នាំ២០២៥
