ក្រសួងរតនាគារជាតិអាមេរិកបានដាក់ទណ្ឌកម្មលើក្រុមហ៊ុនដែលមានមូលដ្ឋាននៅប្រទេសហ្វីលីពីន ទាក់ទងនឹងការជួយដល់គេហទំព័រព្យាបាទរាប់រយពាន់នៅពីក្រោយការឆបោកសាយប័របានធ្វើឲ្យបាត់បង់ប្រាក់មិនតិចជាង ២០០លានដុល្លារទេរបស់ជនជាតិអាមេរិក។
ការឆបោកទៅលើការវិនិយោគប្រាក់និម្មិតដែលសម្របសម្រួលដោយ Funnull (ក៏ត្រូវបានគេស្គាល់ថាជានុយបញ្ឆោតបែបមនោសញ្ចេតនា និងការឆបោកតាមអនឡាញបែប Pig Butchering) ដោយការទិញអាសយដ្ឋាន IP នៅក្នុងទំហំធំពីក្រុមហ៊ុនផ្តល់សវាក្លោដផ្សេងៗ។ ក្រុមហ៊ុនបានលក់អាសយដ្ឋាន IP ទាំងនេះ និងបង្ហោះសេវាឱ្យឧក្រិដ្ឋជនសាយប័រ ដោយបើកឱ្យពួកគេបង្ហោះគេហទំព័រព្យាបាទជាច្រើន។ ឧក្រិដ្ឋកម្មនៅពីក្រោយការឆបោកតាមអនឡាញបែប Pig Butchering ទាក់ទងទៅជនរងគ្រោះតាមរយៈគេហទំព័រណាត់ជួប (Dating) ប្រព័ន្ធផ្សព្វផ្សាយសង្គម និងកម្មវិធីផ្ញើសារ ដើម្បីបង្កើតទំនុកចិត្ត និងលួងជនរងគ្រោះឱ្យចូលទៅក្នុងគ្រោងការណ៍វិនិយោគក្លែងក្លាយ។ ទោះជាយ៉ាងណា ជំនួសឱ្យការវិនិយោគ ជនឆបោកបានបង្វែរវាទៅគណនីដែលពួកគេគ្រប់គ្រង ហើយលួចប្រាក់ទាំងនោះចេញ។
ក្រុមហ៊ុនប្រើការគណនាបង្កើត Domain (DGAs) ដើម្បីបង្កើតឈ្មោះ Domain ប្លែកៗជាច្រើន ហើយក៏ផ្តល់ឱ្យឧក្រិដ្ឋជនសាយប័រជាមួយនឹង Web Design Templates សម្រាប់បន្លំជាម៉ាកដែលទុកចិត្ត។ វាក៏ជួយពួកគេប្តូរ IP Addresses និង Domains ដើម្បីរារាំងការប៉ុនប៉ងបង្រ្កាប។ Funnull ទាក់ទងនឹងគេហទំព័រឆបោកការវិនិយោគប្រាក់និម្មិតដ៏សំខាន់ដែលបានរាយការណ៍ទៅកាន់ទីភ្នាក់ងារ FBI។ ជនរងគ្រោះដែលមានមូលដ្ឋាននៅអាមេរិកបានរាយការណ៍ថាបានបាត់បង់ប្រាក់មិនតិចជាង ២០០លានដុល្លារទេ ដោយម្នាក់ៗបាត់ប្រាក់ជាមធ្យម ១៥០,០០០ដុល្លារ បើយោងតាម OFAC ។ ការិយាល័យគ្រប់គ្រងទ្រព្យសម្បត្តិបរទេសរបស់រតនាគារជាតិ (OFAC) ក៏បានដាក់ទណ្ឌកម្មលើ Liu Lizhi ដែលជាជនជាតិចិន បានដើរតួនាទីជាអ្នកគ្រប់គ្រង Funnell និងបានគ្រប់គ្រងបុគ្គលិកក្រុមហ៊ុន ត្រួតពិនិត្យប្រតិបត្តិការ និងដំណើរការការងារ។ បន្ទាប់ពីការដាក់ទណ្ឌកម្ម ប្រជាជន និងស្ថាប័នជាច្រើននៅអាមេរិកត្រូវបានហាមឃាត់មិនឱ្យប្រើប្រាស់ Funnull និង Lizhi ទេ។ ទ្រព្យសម្បត្តិរបស់ពួកគេទាំងអស់ក៏ត្រូវបានបង្កក ខណៈស្ថាប័នហិរញ្ញវត្ថុ និងអង្គភាពការបរទេសបានពាក់ព័ន្ធនៅក្នុងការផ្ទេរប្រាក់ជាមួយពួកគេប្រហែលជាត្រូវប្រឈមនឹងការពិន័យផងដែរ។
សូចនាករ Funnull នៃការគ្រប់គ្រង៖ នៅថ្ងៃនេះ ទីភ្នាក់ងារ FBI ក៏បានចេញផ្សាយការដាស់តឿនជាមួយនឹងព័ត៌មានរួមមានលម្អិតបច្ចេកទេសអំពី IP Addresses និង Domains របស់ហេដ្ឋារចនាសម្ព័ន្ធឆបោកសាយប័ររបស់ Funnull។ តាំងពីដើមឆ្នាំ២០២៥ មក ទីភ្នាក់ងារ FBI បានកំណត់ឈ្មោះ Funnull Canonical Names (CNAME) ផ្សេងៗចំនួន ៥៤៨ ដែលទាក់ទងនឹង Domains មិនតិចជាង ៣៣២,០០០។ នៅក្នុងខែមេសា ឆ្នាំ២០២៥ គម្រូ Domains ចំនួន ៨ ត្រូវបានវិភាគថា មានជាប់ទាក់ទងនឹង CNAMEs ចំនួន៤ ដែលភ្ជាប់ទៅនឹងហេដ្ឋារចនាសម្ព័ន្ធ Funnull។ នៅចន្លោះខែកុម្ភៈ ឆ្នាំ២០២៣ និងខែមេសា ឆ្នាំ២០២៥ Domains ចំនួន៨ បានបង្ហាញគម្រូផ្សេងៗគ្នាចំនួន៣ នៃសកម្មភាព CNAME បើយោងតាម FBI។ នៅចន្លោះខែតុលា ឆ្នាំ២០២៣ និងខែមេសា ឆ្នាំ២០២៥ គម្រូចម្រុះនៃសកម្មភាព IP Address ត្រូវបានតាមដានចេញពី Domains ជាច្រើនដែលប្រើហេដ្ឋារចនាសម្ព័ន្ធ Funnull។ នៅក្នុងអំឡុងពេលនេះ រាប់រយ Domains ដែលប្រើហេដ្ឋារចនាសម្ព័ន្ធ Funnull បានផ្តាច់ខ្លួនចេញពី IP Address មួយទៅមួយផ្សេងទៀតនៅថ្ងៃដដែល ឬក្នុងពេលដូចគ្នា។ ដូចដែល FBI បានបង្ហាញកាលពីខែមុន ឧក្រិដ្ឋជនសាយប័របានលួចប្រាក់ ១៦,៦ពាន់លានដុល្លារពីជនជាតិអាមេរិកនៅឆ្នាំ២០២៤ នៅក្នុងនោះមានករណីឆបោកការវិនិយោគដល់ទៅ ៦,៥ពាន់លានដុល្លារ បានកើនឡើងដល់ទៅ ៣៣% បើប្រៀបទៅនឹងឆ្នាំមុន។
ប្រភពព័ត៌មាន៖ ថ្ងៃទី២៩ ខែឧសភា ឆ្នាំ២០២៥
