Cryptocurrency Exchange BigONE បានលាតត្រដាងថា ហេគឃ័របានលួចទ្រព្យឌីជីថលផ្សេងៗដែលមានតម្លៃប្រមាណជា ២៧លានដុល្លារនៅក្នុងការវាយប្រហារកាលពីម្សិលមិញ។Platform នេះបានប្រកាសថា Key ឯកជន និងទិន្នន័យអ្នកប្រើប្រាស់មិនរងផលប៉ះពាល់ដោយសារការឈ្លានពាននេះទេ ហើយអតិថិជនទាំងឡាយណាដែលខាតបង់ប្រាក់នឹងត្រូវសងវិញ។ នៅព្រឹកថ្ងៃទី១៦ ខែកក្កដា BigONE បានរកឃើញការផ្លាស់ទីមិនប្រក្រតីដែលពាក់ព័ន្ធនឹង Portion របស់ Platform’s Assets បើយោងតាមសេចក្តីប្រកាស។
យោងតាមការស៊ើបអង្កេតបានឱ្យដឹងថា វាត្រូវបានបញ្ជាក់ពីលទ្ធផលនៃការវាយប្រហារភាគីទីបី ដែលមានគោលដៅលើកាបូបប្រាក់ (Hot Wallet)។ ក្រុមហ៊ុនបានធានាដល់អ្នកប្រើប្រាស់ថា វិធីសាស្រ្តនៃការវាយប្រហារត្រូវបានកំណត់អត្តសញ្ញាណ និងគ្រប់គ្រងពេញលេញ។ BigONE បានសហការជាមួយដៃគូក្រុមហ៊ុនសន្តិសុខ SlowMist ដើម្បីតាមដានប្រាក់ដែលបានលួច និងត្រួតពិនិត្យលើចរាចរណ៍របស់ប្រាក់ឆ្លងកាត់ Blockchains។ BigONE នឹងទទួលខុសត្រូវលើការខាតបង់ទាំងអស់ដែលបានកើតឡើងដោយសារឧប្បត្តិហេតុនេះ។ ទ្រព្យអ្នកប្រើប្រាស់នឹងមិនរងផលប៉ះពាល់នៅក្នុងឧប្បត្តិហេតុនេះទេ បើយោងតាម Exchange។
ពីរបីម៉ោងក្រោយមក អ្នកគ្រប់គ្រង BigONE បានប្រកាសថា សេវាដាក់ប្រាក់ និងការជួញដូរបានត្រូវស្តារឡើងវិញទាំងស្រុង បន្ទាប់ពីការវាយប្រហារសាយប័រ ហើយមុខងារដកប្រាក់ និង OTC functions នឹងត្រូវបានបើកដំណើរការឡើងវិញ (Re-Enabled) ក្នុងរយៈពេលដ៏ខ្លី។ ពុំមានព័ត៌មានពិតប្រាកដទាក់ទងនឹងរបៀបដែលហេគឃ័របានលួចចូលហេគ និងលួចប្រាក់ចេញពី Exchange នេះទេ ប៉ុន្តែ SlowMist បានថ្លែងថា Exchange នេះគឺជាជនរងគ្រោះនៃការវាយប្រហារ Supply-chain។ ខណៈ ស្ថាប័នស៊ើបការណ៍ Blockchain ឈ្មោះ Lookochain បានរាយការណ៍ថា ហេគឃ័របានភ្ជាប់ការវាយប្រហារនេះចូលទៅក្នុងការលាងលុយ និងប្តូរទ្រព្យដែលបានលួចទៅជា 120 Bitcoin, 1272 Ether, 2,625 Solana និង 23,3 លាន Tron។ អ្នកស៊ើបអង្កេតឧក្រិដ្ឋកម្ម Blockchain ឈ្មោះ ZachXBT បានរៀបរាប់ពីឧប្បត្តិហេតុនេះថា “តួនាទីរបស់ BigONE នៅក្នុងដំណើរការស្វែងរកប្រាក់ចំណូលដ៏សំខាន់ ដែលបានមកពីការបញ្ឆោតឲ្យមានការពេញចិត្ត និងការវិនិយោគ” ដោយនិយាយថា ការលួចបែបនេះជួយដល់ការលាងសម្អាតប្រាក់តាមបែបធម្មជាតិនៅក្នុងលំហ (Space)។
កំណត់ត្រាប្រចាំឆ្នាំអំពីការលួចគ្រីបតូ៖ នៅថ្ងៃនេះ Chainalysis បានចេញផ្សាយរបាយការណ៍ឧក្រិដ្ឋកម្មគ្រីបតូពាក់កណ្តាលឆ្នាំ២០២៥ ដោយបានរាយការណ៍ថា មិនតិចជាង ២,១៧ពាន់លានដុល្លារទេ ដែលត្រូវបានលួច ហើយជាទំហំមួយច្រើនជាងឆ្នាំ២០២៤។ ការលួចប្រាក់ចេញពី ByBit ទំហំ ១,៥ពាន់លានដុល្លារបានដើរតួនាទីដ៏សំខាន់នៅក្នុងការបំបែកកំណត់ត្រា ដែលធ្វើឱ្យហេគឃ័រកូរ៉េខាងជើងបានក្លាយជាអ្នកនាំមុខគេនៅក្នុងឆ្នាំនេះ។ Chainalysis បានលើកឡើងពីទំនោរដែលហេគឃ័របច្ចុប្បន្នងាកទៅរកកាបូបប្រាក់ផ្ទាល់ខ្លួន សរុបមានចំនួនប្រមាណជា ២៣,៣៥% នៃប្រាក់ដែលបានលួចទាំងអស់នៅឆ្នាំនេះ។ ក្រុមហ៊ុនស៊ើបអង្កេត Blockchain ក៏បានបង្ហាញអំពីហិង្សាលើរូបរាងកាយ ដើម្បីលួចប្រាក់គ្រីបតូ ដែលកំពុងតែកើនឡើងផងដែរ ដោយសារតែការកើនឡើងនៃតម្លៃ Bitcoin។
ប្រភពព័ត៌មាន៖ ថ្ងៃទី១៧ ខែកក្កដា ឆ្នាំ២០២៥
